റിയാദ്: റമദാൻ മാസത്തിൽ റിയാദ്, ജിദ്ദ, കിഴക്കൻ പ്രവിശ്യയിലെ ദമാം, ദഹ്റാൻ, അൽ ഖോബാർ എന്നീ നഗരങ്ങളിൽ ട്രക്കുകൾക്ക് പ്രവേശനത്തിനു സമയം പ്രഖ്യാപിച്ചു. ഈ നഗരങ്ങളിൽ പ്രവേശിക്കുന്നതിനുള്ള നിരോധിത സമയങ്ങളും ജനറൽ ട്രാഫിക് ഡിപ്പാർട്ട്മെന്റ് പ്രഖ്യാപിച്ചു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
റമദാൻ മാസത്തിൽ രാവിലെ 8 മുതൽ അർദ്ധരാത്രി 12 വരെ ട്രക്കുകൾ റിയാദ് നഗരത്തിൽ പ്രവേശിക്കുന്നത് നിരോധിച്ചിട്ടുണ്ടെന്നും പൊതു സേവന ട്രക്കുകൾക്ക് ഉച്ചയ്ക്ക് 12 മുതൽ അർദ്ധരാത്രി 12 വരെ പ്രവേശനം അനുവദനീയമാണെന്നും ഭരണകൂടം വ്യക്തമാക്കി.
അർദ്ധരാത്രി 12 മുതൽ രാവിലെ 8 വരെ എല്ലാ ട്രക്കുകൾക്കും അനുവാദം നൽകുമെന്നും വെള്ളി, ശനി തുടങ്ങി വാരാന്ത്യങ്ങളിൽ ഇളവ് ലഭിക്കാത്തവർക്ക് (സേവനങ്ങൾ) വൈകിട്ട് 7 മുതൽ അർദ്ധരാത്രി 12 വരെയായിരിക്കും നിരോധനം.
എക്സിറ്റ് 13 മുതൽ കിഴക്കും പടിഞ്ഞാറും എംബസികൾക്കിടയിലുള്ള മക്ക (ഖുറൈസ്) റോഡിലും എക്സിറ്റ് 4 മുതൽ വടക്കും തെക്കും അൾജീരിയ സ്ക്വയർ (ദിറാബ്) വരെയുള്ള കിംഗ് ഫഹദ് റോഡിലും ട്രക്കുകൾ പ്രവേശിക്കുന്നത് തടയാനും തീരുമാനമുണ്ട്.
റമദാൻ മാസത്തിൽ കിഴക്കൻ പ്രവിശ്യയിൽ പ്രവേശിക്കുന്നത് ട്രക്കുകൾ നിരോധിക്കുന്ന സമയം ഇങ്ങനെയാണ്, ദമാം, ദഹ്റാൻ, ഖോബാർ നഗരങ്ങളിൽ രാവിലെ 9 മുതൽ 11 വരെയും വൈകിട്ട് 4 മുതൽ 6 വരെയും രാത്രി 9 മുതൽ രാത്രി 12 വരെയും ആയിരിക്കും.
