അൽ ഉല: ആകാശത്ത് ബലൂണിൽ പറന്നു ആസ്വദിക്കണമെങ്കിൽ സഊദിയിൽ ഇതാ അവസരം. ടൂറിസത്തിന്റെ കേന്ദ്രമായ അൽ ഉലയിൽ ആണ് ഈ വ്യത്യസ്ത ആകാശ അനുഭവം ആസ്വദിക്കാൻ അവസരം ഒരുക്കിയിരിക്കുന്നത്. ചില രാജ്യങ്ങളിൽ മാത്രം കണ്ടു വന്നിരുന്ന ആകാശ ബലൂൺ ആസ്വാദനമാണ് ഇവിടെ സഞ്ചാരികൾക്കായി ഒരുക്കിയിരിക്കുന്നത്.
മീഡിയ, ഫോട്ടോഗ്രാഫർ ആയ അഖീൽ അൽ അനസി തന്നെ അനുഭവം പ്രാദേശിക മാധ്യമത്തോട് വെളിപെടുത്തി. അൽ-ഉലയുടെ ആകാശത്ത് സമാനതകളില്ലാത്ത യാത്ര ആസ്വദിക്കാനും മേഘങ്ങൾക്കിടയിൽ ഉയരങ്ങളിൽ കുതിക്കാനും സന്ദർശകർക്ക് വാഗ്ദാനം ചെയ്യുന്ന ഏറ്റവും മനോഹരമായ സംഭവങ്ങളിലൊന്നാണിതെന്നാണ് അൽ അനസി പറയുന്നത്.
ബലൂൺ പറക്കലിന്റെ ദൈർഘ്യം ഓരോ വ്യക്തിയുടെയും അഭ്യർത്ഥന അനുസരിച്ച് വ്യത്യാസപ്പെട്ടിരിക്കും. പറക്കലിന്റെ സമയ ദൈർഘ്യമനുസരിച്ച് 30 മുതൽ 500 റിയാൽ വരെയാണ് ഇതിലേക്കുള്ള ഫീസ്.
ബലൂൺ പറക്കൽ അനുഭവം സന്ദർശകർക്ക് അൽ-ഉലയുടെ പ്രത്യേക കേന്ദ്രങ്ങൾ ആകാശത്ത് നിന്ന് ഒരു വ്യതിരിക്തമായ രീതിയിൽ കാണാനുള്ള അവസരമൊരുക്കുന്നുവെന്ന് അദ്ദേഹം പറഞ്ഞു, സന്ദർശകർക്ക് സൂര്യോദയ സമയത്തെ മനോഹരമായ കാഴ്ചകളും അതിന്റെ ശോഭയുള്ള കിരണങ്ങൾ അൽ-ഉലയുടെ എല്ലാ ഭാഗങ്ങളും കീഴടക്കുന്നതും ഒപ്പം പാറക്കൂട്ടങ്ങളും കണ്ട് ആസ്വദിക്കാനാകും.
ബലൂണുകൾ രാത്രിയിൽ തൂങ്ങിക്കിടക്കുന്ന വിളക്കുകൾ രൂപപ്പെടുത്തുകയും അൽ-ഉല ആകാശത്തിലെ ഇരുട്ടിനെ പ്രകാശിപ്പിക്കുകയും ചെയ്യുന്ന നയന മനോഹരമായ കാഴ്ചയും നൽകുന്നുണ്ട്.
വീഡിയോ കാണാം👇
