അന്താരാഷ്ട്ര ലൈസൻസ് ഉപയോഗിച്ച് സന്ദർശകർക്ക് എത്ര കാലം വാഹനം ഓടിക്കാമെന്ന് വ്യക്തമാക്കി സഊദി ട്രാഫിക്

റിയാദ്: രാജ്യത്തിനകത്ത് സന്ദർശകർക്ക് വാഹനം ഓടിക്കാൻ അനുവദിക്കാമെന്നും അന്താരാഷ്ട്ര ഡ്രൈവിംഗ് ലൈസൻസിന്റെ ഉപയോഗ കാലയളവ് സംബന്ധിച്ചും ജനറൽ ഡയറക്ടറേറ്റ് ഓഫ് ട്രാഫിക് വ്യക്തമാക്കി.

രാജ്യാന്തര ലൈസൻസുള്ള ഒരു സന്ദർശകനെ രാജ്യത്ത് വാഹനം ഓടിക്കാൻ അനുവദിക്കുന്നതിനുള്ള സാധ്യതയെക്കുറിച്ചുള്ള ഒരു വ്യക്തിയുടെ ചോദ്യത്തിന് മറുപടിയായാണ് “ട്രാഫിക്” വിഭാഗം മറുപടി നൽകിയത്.

അംഗീകൃത അന്തർദേശീയ ലൈസൻസ് അല്ലെങ്കിൽ വിദേശ ഡ്രൈവിംഗ് ലൈസൻസിന്റെ ഉപയോഗ കാലയളവ് അതിന്റെ ഉടമ രാജ്യത്തിലേക്കുള്ള പ്രവേശന തീയതി മുതൽ ഒരു വർഷത്തേക്കോ അല്ലെങ്കിൽ ഒരു വർഷത്തിനുള്ളിൽ ലൈസൻസ് കാലാവധി അവസാനിക്കുന്നത് വരെയോ ഉപയോഗിക്കാമെന്ന് ട്രാഫിക് വിഭാഗം അറിയിച്ചു.