റിയാദ്: റിയാദ് സീസൺ 2021 ന്റെ വിവിധ പരിപാടികളിലേക്കും പ്രവർത്തനങ്ങളിലേക്കും എത്തിയ സന്ദർശകരുടെ എണ്ണം ഏകദേശം പത്ത് ലക്ഷം എത്തിയതായി ജനറൽ എന്റർടൈൻമെന്റ് അതോറിറ്റിയുടെ ഡയറക്ടർ ബോർഡ് ചെയർമാൻ തുർക്കി അൽ-ഷൈഖ് വെളിപ്പെടുത്തി. ഇതുവരെ ഏകദേശം 550 ദശലക്ഷം റിയാൽ നേരിട്ടുള്ള വരുമാനം നേടിയിട്ടുണ്ടെന്നും അദ്ദേഹം തന്റെ ട്വിറ്റർ അക്കൗണ്ടിലെ പ്രസ്താവനയിൽ പറഞ്ഞു.
കിരീടാവകാശി മുഹമ്മദ് ബിൻ സൽമാൻ രാജകുമാരന്റെ പിന്തുണയും മാർഗനിർദേശവും ആസൂത്രണവും വിവിധ ഏജൻസികളുടെ ഏകോപനവുമാണ് ഈ ശ്രദ്ധേയമായ നേട്ടങ്ങൾ കൈവരിച്ചത്. ഈ ശ്രദ്ധേയമായ നേട്ടം റിയാദ് സീസണിലെ ഏറ്റവും വലിയ സോണായ ബൊളിവാർഡ് തുറക്കുന്നതിന് മുമ്പുള്ള ദിവസങ്ങളിലാണ്. 10 ദിവസത്തിനുള്ളിൽ സീസണിൽ നിന്ന് ഇതുവരെ ഒരു ദശലക്ഷം സന്ദർശകരും 550 മില്ല്യൺ റിയാൽ നേരിട്ടുള്ള വരുമാനവും ലഭിച്ചുവെന്നും അദ്ദേഹം വെളിപ്പെടുത്തി.
സീസണിലെ പ്രവർത്തനങ്ങളുടെ ആദ്യ ദിവസങ്ങളിലെ ടിക്കറ്റുകൾ വിറ്റുതീർന്നതായി അൽ-ഷൈഖ് നേരത്തെ വെളിപ്പെടുത്തിയിരുന്നു. “റിയാദ് സീസണിലെ ഓപ്പണിംഗ് പരേഡ് മുതൽ ഡബ്ല്യുഡബ്ല്യുഇ ക്രൗൺ ജുവൽ, ഫെസ്റ്റിവൽ റഷ് തുടങ്ങി ഒന്നും രണ്ടും ദിവസങ്ങളിൽ കഴിഞ്ഞ ദിവസങ്ങളിൽ നടന്ന പരിപാടികളുടെ എല്ലാ ടിക്കറ്റുകളും വിറ്റുതീർന്നുവെന്നും വെളിപ്പെടുത്തിയിരുന്നു.
മിഡിൽ ഈസ്റ്റിലെ എക്കാലത്തെയും വലിയ വിനോദ പരിപാടിയായ റിയാദ് സീസൺ 2 ഒക്ടോബർ 20 നാണ് ഉദ്ഘാടനം ചെയ്തത്. ഉദ്ഘാടനച്ചടങ്ങിൽ ആകർഷകമായ പരേഡും ഡ്രോണുകളുടെ മിന്നുന്ന ഷോകളും തലസ്ഥാന ആകാശത്തെ പ്രകാശിപ്പിക്കുന്ന അതിമനോഹരമായ വെടിക്കെട്ടും ഉണ്ടായിരുന്നു.
റിയാദ് സീസൺ 2 വിൽ 14 വിനോദ മേഖലകളിലായി 5.4 ദശലക്ഷം ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന 7,500 വിസ്മയിപ്പിക്കുന്ന ഇവന്റുകൾക്കും ഏറെ ശ്രദ്ധേയമായ മറ്റു വിനോദ പരിപാടികൾക്കും സാക്ഷ്യം വഹിക്കുന്നു. 2022 മാർച്ച് വരെയാണ് ഫെസ്റ്റിവൽ നീണ്ടുനിൽക്കുക.
