റിയാദ്: രണ്ട് ഡോസുകളുള്ള പ്രതിരോധ കുത്തിവയ്പ്പ് എടുത്തവർക്ക് മാത്രമേ ഇവന്റുകൾ, സ്ഥാപനങ്ങൾ, ബോർഡിംഗ് വിമാനങ്ങൾ, പൊതു ഗതാഗതം എന്നിവയിൽ പ്രവേശിക്കുന്നതിന് അനുമതി നൽകുകയുള്ളൂവെന്ന് ആഭ്യന്തര മന്ത്രാലയം അറിയിച്ചു. ഒക്ടോബർ പത്ത് മുതൽ പുലർച്ചെ ആറ് ഈ നിബന്ധന പ്രാബല്യത്തിൽ വരിക.
വൈറസിന്റെ വ്യാപനം നിയന്ത്രിക്കാൻ അംഗീകൃത വാക്സിൻ ഡോസുകൾ പൂർത്തിയാക്കേണ്ടതിന്റെ പ്രാധാന്യത്തെക്കുറിച്ച് ദേശീയ, അന്തർദേശീയ ശാസ്ത്ര അധികാരികൾ തെളിയിച്ചിട്ടുള്ള കാര്യങ്ങളെക്കുറിച്ച് ആരോഗ്യ അധികാരികൾ സമർപ്പിച്ചതിനെ അടിസ്ഥാനമാക്കിയാണ് ഈ നിബന്ധന ഏർപ്പെടുത്തിയത്.
ഏതെങ്കിലും സാമ്പത്തിക, വാണിജ്യ, സാംസ്കാരിക, വിനോദ, സ്പോർട്സ് അല്ലെങ്കിൽ ടൂറിസം പ്രവർത്തനങ്ങളിൽ പ്രവേശിക്കുന്നതിനും ഏതെങ്കിലും സാംസ്കാരിക, ശാസ്ത്രീയ, സാമൂഹിക അല്ലെങ്കിൽ വിനോദ പരിപാടിയിൽ പ്രവേശിക്കുന്നതിനും സർക്കാർ അല്ലെങ്കിൽ സ്വകാര്യ സ്ഥാപനങ്ങളിൽ പ്രവേശിക്കുക, ബിസിനസ്സ് അല്ലെങ്കിൽ ഓഡിറ്റ് നടത്തുക,
വിമാനങ്ങളിലും പൊതുഗതാഗതത്തിലും യാത്ര ചെയ്യുക എന്നിവക്ക് രണ്ട് ഡോസ് വാക്സിൻ നിര്ബന്ധമാണ്.
