റിയാദ്: ഇലക്ട്രിക് വാഹന സാങ്കേതിക നിയന്ത്രണങ്ങൾക്കനുസൃതമായി ഇലക്ട്രിക് വാഹനത്തിനുള്ള മോഡൽ അംഗീകാര സർട്ടിഫിക്കറ്റിനായി നിരവധി നിർമ്മാതാക്കളിൽ നിന്ന് അപേക്ഷകൾ ലഭിച്ചിട്ടുണ്ടെന്ന് സഊദി സ്റ്റാൻഡേർഡ്സ്, മെട്രോളജി ആൻഡ് ക്വാളിറ്റി ഓർഗനൈസേഷൻ വെളിപ്പെടുത്തി. ഇതിനകം ഒരു മോഡലിന് അക്രഡിറ്റേഷൻ സർട്ടിഫിക്കറ്റ് നൽകിയിട്ടുണ്ടെന്നും അതോറിറ്റി വിശദീകരിച്ചു.
ഇലക്ട്രിക് വാഹനങ്ങൾ, ചാർജറുകൾ, അവയുടെ ആക്സസറികൾ എന്നിവയ്ക്ക് അനുസൃതമായ സർട്ടിഫിക്കറ്റുകൾ നൽകുന്നതിനുള്ള സാങ്കേതിക ആവശ്യകതകൾ അവതരിപ്പിക്കുന്നതിനുള്ള പ്രവർത്തനം തുടരുകയാണെന്നും അതോടൊപ്പം എല്ലാ കാർ ഡീലർമാരോടും നിർമ്മാതാക്കളോടും സഊദി അംഗീകാരം ലഭിക്കാൻ തയ്യാറാകണമെന്നും അൽ-ഇക്തിസദിയ പത്രത്തിന് നൽകിയ പ്രസ്താവനയിൽ അതോറിറ്റി വിശദീകരിച്ചു.
രാജ്യത്തെ സർക്കാർ ഏജൻസികളുടെയും സ്വകാര്യ മേഖലയിലെ സ്പെഷ്യലിസ്റ്റുകളുടെയും പങ്കാളിത്തത്തോടെ നിലവിലുള്ള സംവിധാനത്തിൽ നിന്ന് ഇത്തരത്തിലുള്ള വാഹനങ്ങൾക്ക് അടിസ്ഥാന സൗകര്യങ്ങൾ ഒരുക്കുന്നതിനായി വിവിധ വശങ്ങളിൽ പഠനം നടക്കുകയാണ്. ഗതാഗത, ഊർജ്ജ മന്ത്രാലയത്തിന്റെ നേതൃത്വത്തിലുള്ള ഇലക്ട്രിക് കാർ ചാർജിംഗ് സ്റ്റേഷനുകൾക്കുള്ള ഇൻഫ്രാസ്ട്രക്ചർ കമ്മിറ്റി മുഖേനയും സർക്കാർ ഏജൻസികളുടെയും സ്വകാര്യ, ഗവേഷണ കേന്ദ്രങ്ങളുടെയും പഠനങ്ങളും ഇതിൽ ഉൾപ്പെടും.
