ജിദ്ദ: മലയാളികളുടെ കറിക്കൂട്ടിൽ ഒഴിച്ച് കൂടാൻ പറ്റാത്ത പ്രധാന സാധനമാണ് കറിവേപ്പില. അതിന്റെ മണവും സ്വാദും ഒന്ന് വേറെ തന്നെയാണ്. കറിവേപ്പില തേടിപ്പിടിച്ച് അന്വേഷിച്ചെത്തി വാങ്ങുന്നവരും ഉണ്ട്. എന്നാൽ, ഗൾഫ് നാടുകളിൽ ഈ സാധനം വളരുന്നത് അപൂർവ്വമയാണ്. ഇന്ത്യയിൽ നിന്നും മറ്റും എത്തുന്ന ഇലകൾ ചെറിയ പാക്കറ്റുകൾ ആക്കി വിൽക്കുകയാണ് പതിവ്. എന്നാൽ ഇതാ ജിദ്ദയിലെ ഫൈസലിയയിൽ ഒരു പടുകൂറ്റൻ കറിവേപ്പില മരം. ജിദ്ദയിലെ പ്രവാസിയായ ജൈജീ ജോയി കല്ലിശേരിയാണ് വീഡിയോ പുറത്ത് വിട്ടത്.
ഏവരെയും അമ്പരപ്പിക്കുന്ന തരത്തിൽ പടർന്നു പന്തലിച്ച് നിൽക്കുകയാണ് ഈ മരം ഇവിടെ. മരത്തിന്റെ രൂപം കണ്ടിട്ട് വർഷങ്ങളായി ഇത് ഇവിടെ വളർന്ന് നിൽക്കുന്നതായാണ് തോന്നുന്നത്. നാട്ടിൽ പോലും ഇത്ര വലിയ കറിവേപ്പില മരം ചിലപ്പോൾ കാണാൻ പ്രയാസമായിരിക്കും. ആ സ്ഥാനത്താണ് മരുഭൂമി അഥവാ വെറും മണൽ കാടുകൾ മാത്രം എന്ന് നാം കരുതുന്ന നാട്ടിലെ ഈ കൂറ്റൻ കറിവേപ്പില മരം.
ആവശ്യം കഴിഞ്ഞ് വലിച്ചെറിയുന്നതിനെ കറിവേപ്പില എന്നാണ് പൊതുവെ മലയാളികള് വിശേഷിപ്പിക്കാറുള്ളത്. കാരണം കറിവേപ്പിലയില്ലാത്ത കറികള്ക്ക് രുചി കുറയുമെങ്കിലും ആവശ്യം കഴിഞ്ഞാല് അത് പിന്നെ എടുത്തുകളയുകയാണ് പതിവ്. എന്നാല് ഇങ്ങിനെ വലിച്ചെറിയേണ്ട ഇലയല്ല എന്ന് കറിവേപ്പിലയുടെ ഔഷധഗുണങ്ങള് കേട്ടാല് മനസിലാകും. വിറ്റാമിന് എ യുടെ കലവറയായ കറിവേപ്പില നമ്മുടെ ശരീരത്തിന് ഏറ്റവും അധികം ഗുണം ചെയ്യുന്ന ഇലയാണ്.
വീഡിയോ കാണാം.
കറിവേപ്പില കൊണ്ടുള്ള ഗുണങ്ങൾ
വിറ്റാമിന് എ യുടെ കലവറയായ കറിവേപ്പില നമ്മുടെ ശരീരത്തിന് ഏറ്റവും അധികം ഗുണം ചെയ്യുന്ന ഇലയാണ്.
കറിവേപ്പില എണ്ണ കാച്ചി തേക്കുന്നത് മുടി കൊഴിച്ചില് പോലുള്ള പ്രശ്നങ്ങള്ക്ക് പരിഹാരം നല്കുന്നു. അതിലുപരി തലയോട്ടിയിലെ മൃതകോശങ്ങളെ ഇല്ലാതാക്കി ആരോഗ്യമുള്ള തലയോട്ടി നല്കുകയും ചെയ്യുന്നു. കറിവേപ്പിലയുടെ ഉപയോഗം തലയോട്ടിയിലെ രക്തയോട്ടം വര്ദ്ധിപ്പിക്കുന്നു. ഇത് മുടിയുടെ വേരുകള്ക്ക് ബലം നല്കുകയും ആരോഗ്യമുള്ള മുടി ഉണ്ടാവാന് സഹായിക്കുകയും ചെയ്യുന്നു. അകാല നരയെ പ്രതിരോധിക്കാനും ഏറ്റവും ഫലപ്രദമായ വഴിയാണ് കറിവേപ്പില. കറിവേപ്പിലയിട്ട് എണ്ണ കാച്ചി തലയില് തേച്ചാല് അത് അകാല നരക്ക് പ്രതിരോധം തീര്ക്കുന്നു.
മാത്രമല്ല ശരീരത്തിലെ അന്നജത്തെ വിഘടിപ്പിക്കുന്ന ആൽഫ അമയ്ലേസ് എൻസൈമിന്റെ ഉൽപാദനത്തെ സഹായിക്കുന്ന ഘടകങ്ങൾ കറിവേപ്പിലയിൽ അടങ്ങിയിട്ടുണ്ട് എന്ന് പഠനങ്ങൾ പറയുന്നു. അതുകൊണ്ട് പ്രമേഹത്തെ കറിവേപ്പില കൊണ്ട് നിയന്ത്രിക്കാം എന്ന് ശാസ്ത്രലേകം കരുതുന്നു. കൊളസ്ട്രോൾ നിയന്ത്രിക്കാനും കറിവേപ്പിലയ്ക്ക് ആവും എന്ന് കണ്ടെത്തിയിട്ടുണ്ട്. പ്രത്യേകതരം അലർജികൾ, വ്രണങ്ങൾ എന്നിവയ്ക്ക് കറിവേപ്പ് ഇലകൾ ഫലം കണ്ടിട്ടുണ്ട്. ചൂടുകുരു, മറ്റ് ത്വക്ക് രോഗങ്ങൾ എന്നിവ പ്രതിരോധിക്കാനും ഇവയ്ക്ക് കഴിവുണ്ട്.
പ്രമേഹ ബാധിതര്ക്ക് കറിവേപ്പില ചേര്ത്ത ഭക്ഷണം ശീലമാക്കുന്നത് ആരോഗ്യ ജീവിതം ഗുണപ്രദമാക്കും. ഒരു പരിധിവരെ പ്രമേഹം നിയന്ത്രിക്കാന് കഴിയുമെന്നാണ് പഠനങ്ങള് തെളിയിക്കുന്നത്. ഇതിലുള്ള ഹൈപ്പര് ഗ്ലൈസമിക് പദാര്ത്ഥങ്ങളാണ് പ്രമേഹത്തെ തടയുന്നത്.
ദഹന സംബന്ധമായ പ്രശ്നങ്ങള്ക്ക് പരിഹാരമാണ് കറിവേപ്പില. കറിവേപ്പില ജ്യൂസില് നാരങ്ങാ നീരൊഴിച്ച് കഴിച്ചാല് ദഹന സംബന്ധമായ പ്രശ്നങ്ങള്ക്ക് പരിഹാരമാകും. ദിവസവും കറിവേപ്പില ഭക്ഷണത്തില് ഉള്പ്പെടുത്തിയാല് ഹൃദയാരോഗ്യം വര്ധിപ്പിക്കുകയും ഹൃദയത്തിന്റെ പ്രവര്ത്തനങ്ങളെ ഉദ്ദീപിപ്പിക്കുകയും ചെയ്യുന്നു. ദിവസേന കറിവേപ്പില ഭക്ഷണത്തില് ഉള്പ്പെടുത്തി കഴിച്ചാല് കാഴ്ച ശക്തി വര്ധിപ്പിക്കുമെന്ന് പഠനങ്ങള് പറയുന്നു. ഓര്മ്മശക്തി വര്ദ്ധിപ്പിക്കാനും സമ്മര്ദ്ദം കുറയ്ക്കാനും കറിവേപ്പില സഹായിക്കുന്നു.
സഊദി വാർത്തകൾക്ക് ഗ്രൂപ്പിൽ അംഗമാകുക
