കോഴിക്കോട്: സുപ്രഭാതം പത്രം പാലക്കാട് എഡിഷനില് വന്ന പരസ്യത്തിലെ വിഷയങ്ങളുമായി ബന്ധമില്ലെന്ന് സമസ്ത കേരള ജംഇയ്യത്തുൽ ഉലമ അറിയിച്ചു. ഏതെങ്കിലും മുന്നണിയെയോ പാര്ട്ടിയെയോ വോട്ട് ചെയ്ത് വിജയിപ്പിക്കണമെന്ന് അഭ്യര്ത്ഥിക്കുന്ന പാരമ്പര്യം സമസ്തക്കില്ലെന്നും സമസ്ത വാർത്താകുറിപ്പിൽ വ്യക്തമാക്കി.
ഏതെങ്കിലും മുന്നണിയെയോ പാര്ട്ടിയെയോ വോട്ട് ചെയ്ത് വിജയിപ്പിക്കണമെന്ന് അഭ്യര്ത്ഥിക്കുന്ന പാരമ്പര്യം സമസ്തക്കില്ലെന്നും പാലക്കാട് നിയോജക മണ്ഡലം ഉപതെരഞ്ഞെടുപ്പുമായി ബന്ധപ്പെട്ട് ഇന്നത്തെ (19-11-2024)സുപ്രഭാതം പത്രം പാലക്കാട് എഡിഷനില് വന്ന പരസ്യത്തിലെ വിഷയങ്ങളുമായി സമസ്തക്ക് ബന്ധമില്ലെന്നും സമസ്ത കേരള ജം ഇ യ്യത്തുല് ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, ജനറല് സെക്രട്ടറി പ്രൊ. കെ. ആലിക്കുട്ടി മുസ്ലിയാര്, ട്രഷറര് പി. പി. ഉമ്മര് മുസ്ലിയാര് കൊയ്യോട്, സെക്രട്ടറി എം. ടി. അബ്ദുള്ള മുസ്ലിയാര് എന്നിവര് സംയുക്ത പ്രസ്താവാനായില് പറഞ്ഞു.
