ഫോണ് ചോര്ത്തിയിട്ടില്ല, വന്ന കോളുകള് റെക്കോര്ഡ് ചെയ്യുകയാണ് ചെയ്തത്
മലപ്പുറം: താന് ഒന്ന് ഫോണ് ചെയ്താല് നിലമ്പൂരിലെ എല്.ഡി.എഫ് പഞ്ചായത്തുകള് വരെ താഴെ വീഴുമെന്ന് പി.വി അന്വര് എം.എല്.എ. എന്നാല് അതിന് സമയമായിട്ടില്ലെന്നും കൂടുതല് പൊതുയോഗങ്ങളുമായി മുന്നോട്ട് പോകുമെന്നും അദ്ദേഹം വ്യക്തമാക്കി. താന് സി.പി.എമ്മിനെ വെല്ലുവിളിച്ചിട്ടില്ല. സര്ക്കാരിലും ഭരണതലത്തിലുമുള്ള പ്രശ്നങ്ങള് ചൂണ്ടിക്കാട്ടുകയാണ് ചെയ്തത്.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
തനിക്കെതിരെ ഇനിയും കേസുകള് വരുമെന്നും അറസ്റ്റ് ചെയ്യപ്പെടാനും സാധ്യതയുണ്ടെന്നും അദ്ദേഹം പറഞ്ഞു. മലപ്പുറത്ത് മാധ്യമപ്രവര്ത്തകരോട് സംസാരിക്കുകയായിരുന്നു അന്വര്. ‘ഞാന് വിളിച്ചാല് ആയിരക്കണക്കിന് സഖാക്കള് വരുമെന്ന് ഉറപ്പാണ്. എന്നാല് അങ്ങനെ വിളിക്കാന് സമയമായിട്ടില്ല. ഇനി നടത്തുന്ന എല്ലാ പൊതുയോഗത്തിലും 50 കസേരകള് വീതം ഇടും. കൂടുതല് പൊതുയോഗങ്ങള് നടത്തും.
നാളെ കോഴിക്കോട് മുതലക്കുളത്ത് യോഗം നടത്തും. സെക്രട്ടറിയേറ്റിന് മുന്നില് യോഗം നടത്തുമോയെന്ന് ഇപ്പോള് പറയാനാകില്ല. അലനല്ലൂരിലെ യോഗത്തിനിടെ സംഘര്ഷം ഉണ്ടായത് തെറ്റിദ്ധാരണ മൂലമാണ്. സിപിഎം പ്രവര്ത്തകരല്ല പ്രശ്നമുണ്ടാക്കിയതെന്നും അദ്ദേഹം പറഞ്ഞു. താന് ആരുടെയും ഫോണ് ചോര്ത്തിയിട്ടില്ലെന്നും തനിക്ക് വന്ന ഫോണ് കോള് റെക്കോര്ഡ് ചെയ്യുക മാത്രമാണ് ചെയ്തതെന്നും അന്വര് പറഞ്ഞു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
