റിയാദ്: സഊദിയുടെ വിനോദസഞ്ചാര മേഖലകളിൽ ശോഭനമായ ഭാവിയെക്കുറിച്ച് ശുഭാപ്തി വിശ്വാസമുണ്ടെന്ന് സൗദി ജനറൽ എൻ്റർടൈൻമെൻ്റ് അതോറിറ്റി ചീഫ് തുർക്കി അൽ ഷൈഖ് പറഞ്ഞു.
പുതിയ പ്രോജക്ടുകളും അതിമോഹമായ സംരംഭങ്ങളും ഞങ്ങളെ ഒരു പ്രമുഖ ആഗോള ലക്ഷ്യസ്ഥാനമാക്കി മാറ്റുമെന്ന് പ്രതീക്ഷിക്കുന്നു. നിലവിലുള്ള പദ്ധതികളും ഗതാഗത മാർഗങ്ങളും തീവണ്ടികളും വിമാനത്താവളങ്ങളും പൂർത്തിയാകുകയാണെങ്കിൽ വിനോദസഞ്ചാരത്തിനും വിനോദത്തിനുമുള്ള ലോകത്തെ മുൻനിര കേന്ദ്രമായി രാജ്യം മാറുമെന്നും അദ്ദേഹം പറഞ്ഞു.
പാശ്ചാത്യ രാജ്യങ്ങളെ അപേക്ഷിച്ച് രാജ്യത്ത് ടൂറിസം, വിനോദ വ്യവസായം എന്നിവ പ്രോത്സാഹിപ്പിക്കുന്നതിനുള്ള വിശാലമായ സാധ്യതകളെക്കുറിച്ച് അൽ ഷൈഖ് സംസാരിച്ചു. ഒരു മാസത്തിലേറെയായി ഞാൻ രാജ്യത്തിന് പുറത്തായിരുന്നപ്പോൾ, ഗൾഫിലും രാജ്യത്തും ഉള്ളതിനെ അപേക്ഷിച്ച് ടൂറിസം, വിനോദ മേഖലകളിൽ വലിയ വ്യത്യാസങ്ങൾ ഞാൻ ശ്രദ്ധിച്ചുവെന്നും അദ്ദേഹം കൂട്ടിച്ചേർത്തു.
