ജിദ്ദ: ആഗോള ചലച്ചിത്ര വ്യവസായത്തിൽ സഊദി അറേബ്യയുടെ സ്ഥാനം ഉയർത്തുന്നതിനായി സൗദി ഫിലിം കമ്മീഷൻ എഎഫ്സിഐയിൽ ചേർന്നു. 40 രാജ്യങ്ങളിലായി 360-ലധികം ഫിലിം കമ്മീഷനുകളെ ഗ്രൂപ്പുചെയ്യുന്ന അസോസിയേഷൻ ഓഫ് ഫിലിം കമ്മീഷണേഴ്സ് ഇൻ്റർനാഷനലിൽ (എഎഫ്സിഐ) ചേർന്നതായി സൗദി ഫിലിം കമ്മീഷൻ അറിയിച്ചു.
ആഗോള സിനിമാ മേഖലയിൽ സൗദി അറേബ്യയുടെ സ്ഥാനം ശക്തിപ്പെടുത്തിന് പുറമെ ദേശീയ നിർമ്മാണ കമ്പനികളെയും പ്രാദേശിക പ്രതിഭകളെയും ലോകമെമ്പാടുമുള്ളവരെ അനുഭവങ്ങളും അറിവുകളും കൈമാറാൻ പ്രാപ്തരാക്കുകയുമാണ് ഈ നീക്കം.
ഫിലിം കമ്മീഷൻ അംഗത്വം സൗദി അറേബ്യയിലെ ചലച്ചിത്ര വ്യവസായത്തെ വികസിപ്പിക്കുന്നതിനും ദേശീയ സമ്പദ്വ്യവസ്ഥയെ ശക്തിപ്പെടുത്തുന്നതിനും പ്രാദേശിക, ആഗോള തലങ്ങളിൽ സൗദി സിനിമയുടെ നിലവാരം ഉയർത്തുന്നതിനും സംഭാവന ചെയ്യുന്ന സിനിമാ നിർമ്മാണത്തിൻ്റെ ആഗോള കേന്ദ്രമെന്ന നിലയിൽ രാജ്യത്തിൻ്റെ സ്ഥാനം ഏകീകരിക്കാനും ലക്ഷ്യമിടുന്നു.
1975-ൽ സ്ഥാപിതമായ ഒരു ആഗോള ലാഭേച്ഛയില്ലാതെ പ്രവർത്തിക്കുന്ന സംഘടനയാണിത്. 6 ഭൂഖണ്ഡങ്ങളിലെ വിവിധ രാജ്യങ്ങളിൽ നിന്നുള്ള ഫിലിം ബോഡികൾ അംഗത്വമുള്ള ഏക ആഗോള സംഘടനയാണിത്. വിവിധ രാജ്യങ്ങളിൽ നിന്നുള്ള വിവിധ വിഭവങ്ങൾ, വിദ്യാഭ്യാസ അവസരങ്ങൾ, ഫണ്ടിങ് അവസരങ്ങൾ എന്നിവയെ ബന്ധിപ്പിക്കുന്ന ഒരു ശൃംഖലയും ഇത് നൽകുന്നു.
