ടോക്കിയോ: വിമാനത്താവളത്തില് ജപ്പാന് എയര്ലൈന്സ് വിമാനത്തിനു തീപിടിച്ചു. റണ്വേയില് വച്ചാണ് വിമാനത്തില് തീപടര്ന്നത്. തീ പിടിച്ച വിമാനം മുന്നോട്ടുനീങ്ങുന്നതിന്റെ വിഡിയോ ദൃശ്യങ്ങള് പുറത്തുവന്നു. ജപ്പാനിലെ ടോക്കിയോയിലാണ് സംഭവം.
അഗ്നിശമനസേന തീ നിയന്ത്രിക്കാന് ശ്രമിക്കുന്നത് ദൃശ്യങ്ങളില് കാണാം. ഹനേദ വിമാനത്താവളത്തില് വിമാനം ലാന്ഡ് ചെയ്യുന്നതിനിടെയാണ് അപകടമുണ്ടായതെന്നാണു റിപ്പോര്ട്ട്. വിമാനത്തിന്റെ ജനാലകളില് കൂടി തീനാളങ്ങള് പുറത്തേക്കുവരുന്നതും ദൃശ്യങ്ങളിലുണ്ട്.
ഹൊക്കൈയ്ഡോ വിമാനത്താവളത്തില്നിന്നു പറന്നുയര്ന്ന ജെഎഎല്516 വിമാനത്തില് മുന്നൂറിലേറെ യാത്രക്കാരുണ്ടായിരുന്നുവെന്നാണ് റിപ്പോര്ട്ട്. ഇവരെ സുരക്ഷിതമായി പുറത്തിറക്കിയിരുന്നുവെന്ന് ജാപ്പനീസ് മാധ്യമങ്ങള് റിപ്പോര്ട്ട് ചെയ്തു.
https://x.com/ANI/status/1742126206169108925?s=20
