ലാന്ഡ് ചെയ്ത ശേഷം വിമാനം അറൈവല് ഗേറ്റിലേക്ക് നീങ്ങുമ്പോഴായിരുന്നു അപകടം.
വാഷിങ്ടണ്: അമേരിക്കയില് യാത്രാവിമാനത്തിന്റെ എന്ജിനുള്ളില് കുടുങ്ങി വിമാനത്താവള ജീവനക്കാരന് ദാരുണാന്ത്യം. ടെക്സാസിലെ സാന് അന്റോണിയോ ഇന്റര്നാഷണല് വിമാനത്താവളത്തില് വെള്ളിയാഴ്ച രാത്രിയാണ് സംഭവം.
ലോസ് ആഞ്ജലീസില്നിന്ന് സാന് അന്റോണിയോയിലേക്ക് എത്തിയ ഡെല്റ്റ എയര്ലൈന്സിന്റെ വിമാനത്തിന്റെ എഞ്ചിനിലേക്ക് ജീവനക്കാരന് വായുസമ്മര്ദത്തെ തുടര്ന്ന് വലിച്ചെടുക്കപ്പെടുകയായിരുന്നു. ലാന്ഡ് ചെയ്ത ശേഷം വിമാനം അറൈവല് ഗേറ്റിലേക്ക് നീങ്ങുമ്പോഴായിരുന്നു അപകടം.
ഗ്രൗണ്ട് ഹാന്ഡിലിങ് പ്രവര്ത്തനങ്ങള്ക്ക് സഹായം നല്കുന്ന യൂണിഫൈ ഏവിയേഷന് കമ്പനിയിലെ ജീവനക്കാരനാണ് മരിച്ചത്. ഇദ്ദേഹത്തിന്റെ പേരു വിവരങ്ങള് പുറത്തുവന്നിട്ടില്ല. ഞങ്ങളുടെ പ്രാഥമിക അന്വേഷണത്തിൽ നിന്ന്, ഈ സംഭവത്തിന് യൂണിഫിയുടെ പ്രവർത്തന പ്രക്രിയകളുമായും സുരക്ഷാ നടപടിക്രമങ്ങളുമായും നയങ്ങളുമായും ബന്ധമില്ലെന്ന് കമ്പനി പറഞ്ഞു. ഒരു ഏവിയേഷൻ കുടുംബാംഗത്തിന്റെ ജീവൻ നഷ്ടപ്പെട്ടതിൽ ദുഖിക്കുന്നുവെന്ന് ഡെൽറ്റ വക്താവ് പറഞ്ഞു.
ബുധനാഴ്ച, അലബാമയിൽ സമാനമായ ഒരു സംഭവത്തിൽ ഒരു ഗ്രൗണ്ട് ക്രൂ വർക്കറുടെ മരണത്തിന് ഒക്യുപേഷണൽ സേഫ്റ്റി ആൻഡ് ഹെൽത്ത് അഡ്മിനിസ്ട്രേഷൻ (OSHA) പ്രാദേശിക എയർലൈൻ പീഡ്മോണ്ടിന് $15,625 (£12,285) പിഴ ചുമത്തിയിരുന്നു. ശരിയായ പരിശീലനവും സുരക്ഷാ നടപടിക്രമങ്ങളുടെ നിർവ്വഹണവും ഈ ദുരന്തം തടയാമായിരുന്നുവെന്ന് ഓഷ പറഞ്ഞു.
സമാനമായ സംഭവം മുന്പും അമേരിക്കയില് നടന്നിട്ടുണ്ട്. 2022-ല് അലബാമയില് ഒരു വിമാനത്താവള ജീവനക്കാരന് വിമാനത്തിന്റെ എന്ജിന്റെ ഉള്ളിലേക്ക് വലിച്ചെടുക്കപ്പെട്ടതിന് പിന്നാലെ ജീവന് നഷ്ടപ്പെട്ടിരുന്നു.
