ഗൾഫ്: ആധാർ കാർഡും പാൻ കാർഡും ബന്ധിപ്പിക്കുന്ന വാർത്ത കഴിഞ്ഞ ദിവസം ആണ് വന്നത്. എന്നാൽ പുതുതായി വന്ന ഈ നിർദ്ദേശം എല്ലാ പ്രവാസികളെയും ബാധിക്കില്ല. നിശ്ചിത തീയതിക്കകം ആധാർ-പാൻ ബന്ധിപ്പിക്കേണ്ടവരുടെ പട്ടികയിൽ നിന്ന് പ്രവാസികളെ ഒഴിവാക്കിയിട്ടുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ജൂണ് 30 വരെയാണ് ആധാർ കാർഡും പാൻ കാർഡും ബന്ധിപ്പിക്കാനുള്ള സമയം നൽകിയിരിക്കുന്നത്. മാർച്ച് 31 വരെയായിരുന്നു ആദ്യം കാലാവധി ഉണ്ടായിരുന്നത്. ഇതാണ് നീട്ടി നൽകിയിരിക്കുന്നത്. നാലു വിഭാഗങ്ങളെ ആണ് പുതുക്കി നൽകുന്നതിൽ നിന്നും ഒഴിവാക്കിയിരിക്കുന്നത്. ഇൻകം ടാക്സ് ആക്ട് പ്രകാരമുള്ള എൻആർഐകൾ, 80 വയസ്സിന് മുകളിലുള്ളവർ, ഇന്ത്യൻ പൗരന്മാരല്ലാത്തവർ, അസം, മേഘാലയ, ജമ്മു-കശ്മീർ എന്നിവിടങ്ങളിലുള്ളവർ ഇവർ ആധാർ-പാൻ തമ്മിൽ ബന്ധിപ്പിക്കേണ്ട ആവശ്യമില്ല. എന്നാൽ ഔദ്യോഗികമായി എൻആർഐ വിഭാഗത്തിൽപെടാത്തവർ രജിസ്റ്റർ ചെയ്യേണ്ടി വരും. കൂടാതെ സന്ദർശ വിസയിൽ ഗൾഫിലേക്ക് വരുന്നവരും രജിസ്റ്റർ ചെയ്യേണ്ടി വരും.
ലിങ്ക് ചെയ്യേണ്ട വിധം ഇങ്ങനെ
eportal.incometax.gov.in അല്ലെങ്കിൽ incometaxindiaefiling.gov.in എന്ന വെബ്സൈറ്റിൽ കയറുക. നേരത്തേ രജിസ്റ്റർ ചെയ്തിട്ടുണ്ടെങ്കിൽ യൂസർ ഐ.ഡിയും പാസ് വേർഡും ജനന തീയതിയും നൽകി പോർട്ടലിൽ ലോഗ് ഇൻ ചെയ്യുക.
ആദ്യമായി എത്തുന്നവർ ആണെങ്കിൽ രജിസ്റ്റർ ചെയ്യുക.
പാൻ നമ്പറായിരിക്കും യുസർ ഐ.ഡി ആയി നൽകിയിട്ടുണ്ടാകുക.
പാസ് വേർഡ് നൽകി കഴിഞ്ഞാൽ പാൻ ആധാറുമായി ലിങ്ക് ചെയ്യുന്നതിന് ഒരു വിൻഡോ പോർട്ടലിൽ വരും. ഇതിൽ നിന്നും MENU ബാറിലുള്ള ‘PROFILE SETTINGS’ൽ പ്രവേശിച്ച് ‘LINK AADHAAR’ എന്ന ഓപ്ഷനിൽ ക്ലിക്ക് ചെയ്യാം. അവിടെ പാൻ കാർഡ് വിവരങ്ങൾ നൽകിയിരിക്കുന്നത് കാണാം. ആധാറിലും പാനിലും ഉള്ള വിവരങ്ങൾ പരിശോധിക്കുക. വിവരങ്ങൾ രണ്ട് കാർഡിലും ഒരുപോലെ ആണെങ്കിൽ ആധാർ നമ്പർ നൽകി ‘LINK NOW‘ ബട്ടണിൽ ക്ലിക്ക് ചെയ്യുക. രണ്ട് കാർഡിലും വിവരങ്ങൾ തമ്മിൽ വിത്യാസം ഉണ്ടെങ്കിൽ അത് ശരിയാക്കണം. അതേസമയം, നിലവിൽ ആയിരം രൂപ അടക്കേണ്ടി വരുന്നുണ്ട്. നേരത്തെ ഉണ്ടായിരുന്ന സൗജന്യ സമയം കഴിഞ്ഞതിനെ തുടർന്നാണ് പിഴ രൂപത്തിലായി ആയിരം രൂപ അടക്കേക്കണ്ടത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
