റിയാദ്: സുരക്ഷാ നിരീക്ഷണ ക്യാമറകൾ ഉപയോഗിക്കുന്നതിനുള്ള സംവിധാനം അടുത്തിടെ മന്ത്രിസഭാ കൗൺസിൽ അംഗീകാരം നൽകിയിട്ടുണ്ട്. സുരക്ഷാ നിരീക്ഷണ ക്യാമറകൾ ഉപയോഗിക്കാൻ ബാധ്യസ്ഥരാകുന്ന സ്ഥലങ്ങളും സ്ഥാപനങ്ങളും ഈ ക്യാമറകൾ നിരോധിക്കുന്ന സ്ഥലങ്ങളും വ്യക്തമാക്കിയിട്ടുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സിസിടിവി ദൃശ്യങ്ങൾ പുറത്തു വിടുന്നതിനും നിബന്ധനകൾ പാലിക്കണം. മന്ത്രാലയത്തിന്റെയോ സ്റ്റേറ്റ് സെക്യൂരിറ്റിയുടെ പ്രസിഡൻസിയുടെയോ അംഗീകാരത്തോടെയോ അല്ലെങ്കിൽ ഒരു കോടതി ഉത്തരവിന്റെ അടിസ്ഥാനത്തിലോ, യോഗ്യതയുള്ള അന്വേഷണ അതോറിറ്റിയുടെ അഭ്യർത്ഥനപ്രകാരമോ അല്ലാതെ സിസിടിവി ക്യാമറ ദൃശ്യങ്ങൾ, റെക്കോർഡിംഗുകൾ കൈമാറുകയോ പ്രസിദ്ധീകരിക്കുകയോ ചെയ്യാൻ പാടില്ല. കൂടാതെ, സിസിടിവി ക്യാമറകളുടെ ഉപയോഗവുമായി ബന്ധപ്പെട്ട നിരവധി നിയന്ത്രണങ്ങളും ഇതുമായി ബന്ധപ്പെട്ട് ഉൾപ്പെടുത്തിയിട്ടുണ്ട്.
ക്യാമറകൾ സ്ഥാപിക്കാൻ പാടില്ലാത്ത സ്ഥലങ്ങൾ
മെഡിക്കൽ പരിശോധനാ മുറികൾ, ഹിപ്നോസിസ്, ഫിസിയോതെറാപ്പി, വസ്ത്രങ്ങൾ മാറാനുള്ള റൂമുകൾ, ടോയ്ലറ്റുകൾ, വനിതാ സലൂണുകൾ, വനിതാ ക്ലബ്ബുകൾ, ടൂറിസ്റ്റ് താമസ സൗകര്യത്തിലെ ഹൗസിംഗ് യൂണിറ്റ്, മെഡിക്കൽ ഓപ്പറേഷൻ റൂമുകൾ, സ്വകാര്യ സ്ഥലങ്ങൾ എന്നിവിടങ്ങളിൽ സിസിടിവി ക്യാമറകൾ സ്ഥാപിക്കാൻ പാടില്ലെന്ന് വ്യവസ്ഥയിൽ പറയുന്നു.
ക്യാമറകൾ സ്ഥാപിക്കാൻ ബാധ്യസ്ഥമായ സ്ഥലങ്ങൾ
പാർപ്പിട കെട്ടിടങ്ങൾ, സമുച്ചയങ്ങൾ, വാണിജ്യ വെയർഹൗസുകൾ, ഷോപ്പിംഗ് സെന്ററുകൾ, പൊതു-സ്വകാര്യ വിനോദ സൗകര്യങ്ങൾ, പൊതു-സ്വകാര്യ ആരോഗ്യ സൗകര്യങ്ങൾ, ആശുപത്രികളും ക്ലിനിക്കുകളും, പ്രധാന റോഡുകളും നഗരങ്ങളിലെ അവയുടെ കവലകളും, നഗരങ്ങളെയും ഗവർണറേറ്റുകളെയും ബന്ധിപ്പിക്കുന്ന ഹൈവേകൾ, ഗ്യാസ് സ്റ്റേഷനുകൾ, ഗ്യാസ് വിൽപ്പന സ്ഥലങ്ങൾ, പൊതു, സ്വകാര്യ വിദ്യാഭ്യാസ സൗകര്യങ്ങൾ, ഭക്ഷണ സേവനങ്ങൾ നൽകുന്ന സൗകര്യങ്ങൾ എന്നിവിടങ്ങളിൽ സിസിടിവി ക്യാമറ സ്ഥാപിക്കണം.
കൂടാതെ, മന്ത്രാലയങ്ങൾ, പൊതു സ്ഥാപനങ്ങൾ, എണ്ണ, പെട്രോകെമിക്കൽ, വൈദ്യുതി ഉൽപ്പാദനം, ജലശുദ്ധീകരണ കേന്ദ്രങ്ങൾ, ടൂറിസ്റ്റ് താമസ കേന്ദ്രങ്ങൾ, ധനകാര്യ സ്ഥാപനങ്ങൾ, ബാങ്കുകൾ, എക്സ്ചേഞ്ച്, മണി ട്രാൻസ്ഫർ സെന്ററുകൾ, പാർപ്പിട സമുച്ചയങ്ങൾ, പള്ളികൾ, മക്ക ഹറം പള്ളി, മദീനയിലെ പ്രവാചക മസ്ജിദ് എന്നിവയും സിസിടിവി ആവശ്യമുള്ള കേന്ദ്രങ്ങളിൽ പെടുന്നു. വിശുദ്ധ സ്ഥലങ്ങൾ, യുവജന കേന്ദ്രങ്ങൾ, ക്ലബ്ബുകൾ, കായിക സ്റ്റേഡിയങ്ങൾ, സാംസ്കാരിക വസ്തുക്കൾ, പൊതുഗതാഗതം, ഇവന്റുകളും ഉത്സവങ്ങളും നടത്തുന്നതിനുള്ള വേദികൾ, സാമ്പത്തിക, വാണിജ്യ പ്രവർത്തനങ്ങളുടെ സ്ഥലങ്ങൾ, പൊതു, സ്വകാര്യ മ്യൂസിയങ്ങൾ, സന്ദർശകരെ സ്വീകരിക്കാൻ തയ്യാറാക്കിയ ചരിത്രപരവും പൈതൃകവുമായ സ്ഥലങ്ങൾ എന്നിവിടങ്ങളിലും സിസിടിവി ക്യാമറകൾ സ്ഥാപിക്കണം. ഇക്കാര്യങ്ങൾ ഇതുമായി ബന്ധപ്പെട്ട വകുപ്പിന്റെ വെബ്സൈറ്റിൽ സഊദി മന്ത്രാലയം പ്രസിദ്ധീകരിച്ചിട്ടുണ്ട്.
കൂടുതൽ ഗൾഫ് / സഊദി വാർത്തകൾ കൃത്യമായി അറിയാൻ ഞങ്ങളുടെ വാട്സാപ്പിൽ ജോയിൻ ചെയ്യുക, ലിങ്ക്👇
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
