റിയാദ്: സഊദി അറേബ്യയിലെ വിദേശികൾക്ക് ഡൈവിംഗ് ലൈസൻസ് സ്വന്തമാക്കാം. എന്നാൽ, ഡൈവിംഗ് ലൈസൻസ് ലഭിക്കുന്നതിന് സ്പോൺസറുടെ അംഗീകാരം നിർബന്ധമാണ്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
പരിസ്ഥിതി, ജല, കൃഷി മന്ത്രാലയത്തിന്റെ (MEWA) ഉറവിടങ്ങളെ ഉദ്ധരിച്ച് പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
മന്ത്രാലയം പുറപ്പെടുവിച്ച നിയന്ത്രണങ്ങൾ അനുസരിച്ച്, മന്ത്രാലയത്തിൽ നിന്ന് ഡൈവിംഗ് ലൈസൻസിന് അപേക്ഷിക്കുന്നതിന് ഡൈവിംഗ് പരിശീലന കേന്ദ്രങ്ങൾ നടത്തുന്ന സ്ഥാപനങ്ങളിൽ നിന്നുള്ള ഡൈവിംഗ് ലൈസൻസ് നിർബന്ധമാണ്.
ഡൈവിംഗ് ലൈസൻസിന് അപേക്ഷിക്കുമ്പോൾ കേന്ദ്രത്തിൽ നിന്നുള്ള ഡൈവിംഗ് ലൈസൻസിന്റെ പകർപ്പുകൾ, ദേശീയ ഐഡി അല്ലെങ്കിൽ സാധുവായ റെസിഡൻസി പെർമിറ്റ് (ഇഖാമ) എന്നിവയും സമർപ്പിക്കണം. അപേക്ഷകർ അപേക്ഷാ ഫോറം പൂരിപ്പിച്ച് മെഡിക്കൽ പരിശോധനയുടെ സർട്ടിഫിക്കറ്റുമായാണ് മന്ത്രാലയത്തിന് അപേക്ഷ സമർപ്പിക്കേണ്ടത്.
ഡൈവിംഗ് പരിശീലന കേന്ദ്രങ്ങൾക്ക് ലൈസൻസ് നൽകുന്നതിനുള്ള മാനദണ്ഡങ്ങളും മന്ത്രാലയം പ്രഖ്യാപിച്ചിട്ടുണ്ട്. ദേശീയ ഐഡന്റിറ്റിയുടെ പകർപ്പ്, ഒരു പട്ടയം അല്ലെങ്കിൽ സ്ഥലത്തിന്റെ പാട്ടക്കരാർ, മുനിസിപ്പൽ (ബലദിയ) ലൈസൻസ് എന്നിവയോടൊപ്പമാണ് അപേക്ഷ നൽകേണ്ടത്.
ഇൻസ്ട്രക്ടർമാർക്കുള്ള സർട്ടിഫൈഡ് ഡൈവിംഗ് ഇൻസ്ട്രക്ടർ ലൈസൻസ്, കൊമേഴ്സ്യൽ രജിസ്റ്റർ, കേന്ദ്രം സ്ഥാപിക്കുന്നതിന് അനുമതി തേടി ബോർഡർ ഗാർഡ് കത്ത് എന്നിവയും സമർപ്പിക്കണം.
ഡൈവിംഗ് പരിശീലന കേന്ദ്രത്തിന് ലൈസൻസ് ലഭിക്കുന്നതിന് കേന്ദ്രത്തിലെ സുരക്ഷാ ഉപകരണങ്ങളുടെയും പരിശീലന ഉപകരണങ്ങളുടെയും പരിശോധന ഉൾപ്പെടുന്ന കേന്ദ്രത്തിന്റെ സാങ്കേതിക ഫിറ്റ്നസ് റിപ്പോർട്ടും സമർപ്പിക്കണമെന്നും ചട്ടങ്ങളിൽ വ്യവസ്ഥ ചെയ്യുന്നു.
