റിയാദ്: തുർക്കിയിലെ പാറക്കെട്ടിൽ നിന്ന് വീണ് സഊദി വിനോദസഞ്ചാരിക്ക് പരിക്കേറ്റു. തുർക്കിയിലെ കരിങ്കടൽ മേഖലയിലെ ട്രാബ്സോൺ പ്രവിശ്യയിലെ അക്കാബത്ത് ജില്ലയിലാണ് അപകടമുണ്ടായത്.
41 കാരനായ പൗരൻ ഒരു പർവത ചരിവിൽ വെച്ച് ബാലൻസ് നഷ്ടപ്പെട്ട് പാറകളിൽ വീണു, ഇത് കൈയിലും കാലുകളിലും ഒന്നിലധികം പരിക്കുകൾക്കും ഒടിവുകൾക്കും കാരണമായി. അദ്ദേഹത്തിന്റെ പരിക്ക് ഗുരുതരമല്ലെന്ന് തുർക്കി മാധ്യമങ്ങൾ റിപ്പോർട്ട് ചെയ്യുന്നു.
പരിസരത്തുണ്ടായിരുന്ന നാട്ടുകാരാണ് അപകടവിവരം സുരക്ഷാ അധികൃതരെ അറിയിച്ചത്. തുർക്കി മെഡിക്കൽ സംഘം സംഭവസ്ഥലത്തെത്തി വിനോദസഞ്ചാരിയെ രക്ഷപ്പെടുത്തി ആശുപത്രിയിലേക്ക് മാറ്റി. അവിടെ അദ്ദേഹം ചികിത്സയിലാണ്.
