മക്ക: ഹജ്ജ് വേളയിൽ മക്കയിൽ താപനില 43.2 ഡിഗ്രി സെൽഷ്യസ് വരെ ഉയരുമെന്ന് നാഷണൽ സെന്റർ ഫോർ മെറ്റീരിയോളജി (എൻസിഎം).
ഈ മാസം മക്കയിൽ രേഖപ്പെടുത്തിയ ഏറ്റവും ഉയർന്ന ആപേക്ഷിക ആർദ്രത 93 ശതമാനവും കുറഞ്ഞ ആപേക്ഷിക ആർദ്രത 6 ശതമാനവുമാണെന്ന് റിപ്പോർട്ട് സൂചിപ്പിച്ചു.
കാലാവസ്ഥാ സ്ഥിതിയെക്കുറിച്ചുള്ള എൻസിഎം റിപ്പോർട്ട് സൂചിപ്പിക്കുന്നത് വരാനിരിക്കുന്ന ദുൽ ഹിജ്ജ മാസം മക്കയിലെ ശരാശരി ഉപരിതല താപനില ശരാശരിയേക്കാൾ ഉയർന്നതായിരിക്കും.
മദീനയിലെ ഹജ് മാസത്തിലെ ശരാശരി ഉപരിതല താപനില ശരാശരിയേക്കാൾ കൂടുതലാണെന്നും അരഡിഗ്രി വരെ വർധനയുണ്ടാകുമെന്നും സൂചിപ്പിച്ചു.
മദീനയിലെ കാലാവസ്ഥാ കണക്കുകൾ സൂചിപ്പിക്കുന്നത് ഈ മാസത്തിൽ രേഖപ്പെടുത്തിയ ഏറ്റവും ഉയർന്ന ആപേക്ഷിക ആർദ്രത 92 ശതമാനവും കുറഞ്ഞ ആപേക്ഷിക ആർദ്രത ഒരു ശതമാനവുമാണ്.
