റിയാദ്: സഊദി അറേബ്യയുടെ അന്തരീക്ഷം സ്ഥിരതയുള്ളതും പൊടിയിൽ നിന്ന് മുക്തവുമാകുമെന്ന് പ്രതീക്ഷിക്കുന്നതായും അതേസമയം തീരപ്രദേശങ്ങളിൽ താപനില ഉയരുമെന്നും കാലാവസ്ഥാ വിദഗ്ധൻ പറഞ്ഞു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
രാജ്യത്തിന്റെ അന്തരീക്ഷം സ്ഥിരതയ്ക്കും പൊടിപടലങ്ങളില്ലാത്ത തെളിഞ്ഞ ആകാശത്തിനും സാക്ഷ്യം വഹിക്കാൻ തുടങ്ങുന്നുവെന്ന് നാഷണൽ സെന്റർ ഓഫ് മെറ്റീരിയോളജിയിലെ കാലാവസ്ഥാ നിരീക്ഷകൻ അഖീൽ അൽ അഖീലിന്റെ നിരീക്ഷണം.
റിയാദ്, കിഴക്കൻ പ്രവിശ്യ, അൽഖസിം, ഹായിൽ എന്നീ പ്രദേശങ്ങളിൽ അന്തരീക്ഷം മേഘാവൃതമായി തുടരാൻ സാധ്യതയുണ്ടെന്ന് അൽ ഇഖ്ബാരിയ ചാനലിലെ ഒരു പരിപാടിയിൽ പങ്കെടുത്ത അദ്ദേഹം പറഞ്ഞു.
രാജ്യത്തിന്റെ തീരപ്രദേശങ്ങളിൽ താപനില ഉയരുന്നത് തുടരുമെന്നും ഈർപ്പത്തിന്റെ അളവ് അവയുടെ അറിയപ്പെടുന്ന നിരക്കിന് അടുത്തായിരിക്കുമെന്നും അൽ അഖീൽ പറഞ്ഞു.
ജിദ്ദ മുതൽ ജസാൻ മേഖല വരെയുള്ള പടിഞ്ഞാറൻ തീരപ്രദേശത്ത് ഈ മാസം ‘പൊടി’ സീസൺ ആരംഭിക്കുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേർത്തു.
