റിയാദ്: വ്യതിരിക്തമായ ലോഗോ ഉള്ള വാഹന പ്ലേറ്റുകൾ നൽകുന്ന സേവനം ട്രാഫിക് അബ്ഷിർ വഴി ആരംഭിച്ചതായി സഊദി ടാഫിക് വിഭാഗം അറിയിച്ചു. വിവിധ തരത്തിലുള്ള അഞ്ച് മോഡൽ നമ്പർ പ്ലേറ്റുകൾ ആണ് ട്രാഫിക് വിഭാഗം അവതരിപ്പിച്ചത്.
“സഊദി വിഷൻ”, കളറുകളിലും കറുപ്പ് നിറത്തിലുമായി രണ്ട് തരത്തിലുള്ള “രണ്ട് വാളുകളും ഈന്തപ്പനയും”, “മദായിൻ സാലിഹ്”, “ദിരിയ” എന്നിങ്ങനെ എന്നിവ അഞ്ച് വിധത്തിലുള്ള വ്യത്യസ്ത തരത്തിലുള്ള നമ്പർ പ്ലേറ്റുകൾ ആണ് നൽകുക. ഈ സേവനം ലഭിക്കാൻ ആഭ്യന്തര മന്ത്രാലയത്തിന്റെ “അബ്ഷിർ” പ്ലാറ്റ്ഫോമിലൂടെയാണ് അപേക്ഷിക്കേണ്ടത്. “ട്രാഫിക്” സേവന ടാബിൽ “ഒരു പ്ലേറ്റിനായി” അപേക്ഷിക്കാം. 800 റിയാൽ അടച്ച ശേഷമായിരിക്കണം അപേക്ഷിക്കേണ്ടത്.
ഗുണഭോക്താവ് മാറ്റിസ്ഥാപിക്കാൻ ആഗ്രഹിക്കുന്ന പ്ലേറ്റിലെ വിവരങ്ങൾ നൽകുകയും ആവശ്യമായ ലോഗോ വ്യക്തമാക്കുകയും പേയ്മെന്റ് രസീതിന്റെ ഒരു പകർപ്പ് “അബ്ഷർ” പ്ലാറ്റ്ഫോമിലൂടെ അറ്റാച്ചുചെയ്യുകയും വേണം
