റിയാദ്: ലോകത്തിലെ ഏറ്റവും വലിയ ഒട്ടകപ്പാൽ പ്ലാന്റ് സ്ഥാപിക്കുന്നതിനുള്ള പദ്ധതിയുമായി സഊദി അറേബ്യ. ഇതിന് വേണ്ടി പ്രമുഖ കമ്പനികളുമായി കരാർ ഏർപെട്ടിട്ടുണ്ടെന്ന് സഊദി ഒട്ടക ക്ലബ്ബിന്റെ തലവൻ ഫഹദ് ബിൻ ഹിത്ലിൻ പറഞ്ഞു. ആദ്യ ഘട്ടത്തിൽ പാൽ ഉത്പാദനം വർധിപ്പിക്കാൻ ആണ് തീരുമാനിച്ചിരിക്കുന്നത്. പിന്നീട് മറ്റ് ഉൽപ്പന്നങ്ങൾ ഉണ്ടാക്കുന്ന കാര്യങ്ങളെ കുറിച്ച് ചിന്തിക്കുമെന്നും റിപ്പോർട്ടിൽ പറയുന്നു.
സഊദി അറേബ്യയിൽ ഏകദേശം 1.8 മില്യൺ ഒട്ടകങ്ങൾ ആണ് ഉള്ളതെന്നാണ് കണക്കുകൾ. ഒട്ടകങ്ങളെ ആഗോള വ്യവസായമാക്കി മാറ്റുകയാണ് ഞങ്ങളുടെ ലക്ഷ്യമെന്നും വികസിത രാജ്യങ്ങൾ അറേബ്യൻ ഒട്ടകങ്ങളിലും നിക്ഷേപം നടത്തുന്നതാണ് ലക്ഷ്യം വെക്കുന്നതെന്ന് ബിൻ ഹിത്ലിൻ പറഞ്ഞു. ലോകത്തിലെ ഏറ്റവും ധനികരായ ആളുകളെ ഈ പദ്ധതിയിൽ ഇൻവെസ്റ്റ് ചെയ്യാൻ ക്ഷണിക്കുകയാണ് ലക്ഷ്യം വെക്കുന്നത്.
സഊദി അറേബ്യയിലെ പൈതൃകവുമായി അടുത്ത ബന്ധമുള്ള ഒരു ജനപ്രിയ മൃഗമാണ് ഒട്ടകങ്ങൾ. മരുഭൂമി നിവാസികളുടെ ഏക സഞ്ചാരമാർഗം ആണ് ഇത്. “മരുഭൂമിയുടെ കപ്പൽ” എന്ന് ഒട്ടകങ്ങൾക്ക് വിളിപ്പേരുണ്ട്. ലോകത്തിലെ ഏറ്റവും വലിയ മത്സരമായ കിംഗ് അബ്ദുൽ അസീസ് ഒട്ടകോത്സവത്തിന് വർഷം തോറും സഊദിയാണ് ആതിഥേയത്വം വഹിക്കുന്നത്.
വാർത്തകൾക്കായി 👇
https://chat.whatsapp.com/HJNYNkPS4arGuQQhDknJ0O
