‘ഹൂതി’ ആക്രമണങ്ങളെ നേരിടാൻ സഊദിക്ക് സഹായകമായി ബ്രിട്ടൻ എത്തുന്നു; വ്യോമസേനയുടെ കരുത്തനായ ‘യൂറോഫൈറ്റർ ടൈഫൂൺ’ ശത്രുക്കളുടെ പേടിസ്വപ്നം

റിയാദ്: ഹൂതി ആക്രമണങ്ങളെ പ്രതിരോധിക്കുന്നതിൽ സഊദിക്ക് സഹായമേകാൻ ബ്രിട്ടന്റെ സൈന്യം എത്തുന്നു. ‘യൂറോഫൈറ്റർ ടൈഫൂൺ’ യുദ്ധവിമാനങ്ങൾ ഉൾപ്പെടെ വൻ സൈനിക വിന്യസം ഉൾപ്പെടെ സഊദി അറേബ്യയിലേക്ക് അയക്കാൻ ബ്രിട്ടൻ പദ്ധതിയിടുന്നതായി റിപ്പോർട്ടുകൾ. ‘യൂറോഫൈറ്റർ ടൈഫൂൺ’ യുദ്ധവിമാനങ്ങൾ സഊദി അറേബ്യയിലേക്ക് അയക്കാൻ ഉദ്ദേശിക്കുന്നതായി ബ്രിട്ടീഷ് പ്രതിരോധ മന്ത്രാലയം തന്നെയാണ് അറിയിച്ചത്.

അത്യാവശ്യ ഘട്ടത്തിൽ സഊദിക്ക് നൽകുന്ന ഈ സൈനിക പിന്തുണ മേഖലയിലെ പുതിയ രാഷ്ട്രീയ സുരക്ഷാ മാറ്റങ്ങൾക്ക് വഴിയൊരുക്കുമെന്നാണ് നിരീക്ഷകർ വിലയിരുത്തുന്നത്.

മണിക്കൂറിൽ 2495 കിലോമീറ്റർ വരെ വേഗത സഞ്ചാര ശേഷി

ഹൂതി ആക്രമണങ്ങളെ നേരിടുന്നതിനുള്ള പ്രതിരോധ പ്രവർത്തനങ്ങളിൽ പങ്കാളികളാകുന്നതിനുമായി അത്യാധുനിക ഘടനയും കുറഞ്ഞ റഡാർ ദൃശ്യതയും ഭാരം കുറഞ്ഞ വസ്തുക്കൾ ഉപയോഗിച്ച് നിർമ്മിച്ച അത്യാധുനിക ഘടനയാണ് ഈ യുദ്ധവിമാനങ്ങളുടേത്. ഇത് വിമാനത്തിന്റെ ഭാരം കുറയ്ക്കുകയും, റഡാറുകളിൽ പെടാനുള്ള സാധ്യത കുറക്കുകയും ചെയ്യുന്നതോടൊപ്പം മികച്ച രീതിയിൽ കുശലതയോടെ പറക്കാൻ സഹായിക്കുകയും ചെയ്യുന്നു. മണിക്കൂറിൽ 2495 കിലോമീറ്റർ വരെ വേഗതയാണ് ഇതിന്റെ സഞ്ചാര ശേഷി. മൂന്ന് അധിക ഇന്ധന ടാങ്കുകൾ ഘടിപ്പിക്കുമ്പോൾ ഇതിന് 3,790 കിലോമീറ്റർ വരെ സഞ്ചരിക്കാനാകും. ടാങ്കുകൾ ഇല്ലെങ്കിൽ 2,900 കിലോമീറ്റർ വരെയാണ് ഇതിന്റെ സഞ്ചാരപരിധി (range).

180 കിലോന്യൂട്ടൺ (kN) ത്രസ്റ്റ് നൽകുന്ന രണ്ട് എൻജിനുകൾ

രണ്ട് ‘EJ200’ എൻജിനുകളാണ് ഈ യുദ്ധവിമാനത്തിന് കരുത്തേകുന്നത്. ഇവ 180 കിലോന്യൂട്ടൺ ത്രസ്റ്റ് (thrust) നൽകുന്നു, ഇത് ശബ്ദത്തേക്കാൾ വേഗത്തിൽ (supersonic speed) പറക്കാൻ വിമാനത്തെ പ്രാപ്തമാക്കുന്നു.

അത്യാധുനിക റഡാർ, ഇലക്ട്രോണിക് യുദ്ധ സംവിധാനങ്ങൾ

ഇലക്ട്രോണിക് സ്കാനിംഗ് റഡാർ, ട്രാക്കിംഗ് സംവിധാനങ്ങൾ, ഇലക്ട്രോണിക് യുദ്ധ സംവിധാനങ്ങൾ (electronic warfare systems) തുടങ്ങിയ അത്യാധുനിക സെൻസറുകൾ ഈ വിമാനത്തിലുണ്ട്. ഇതിന്റെ കോക്ക്പിറ്റിൽ (പൈലറ്റ് ഇരിക്കുന്ന ഭാഗം) ‘ഹെഡ്-അപ്പ് ഡിസ്‌പ്ലേ’യും (head-up display) വിവിധ ആവശ്യങ്ങൾക്കായി ഉപയോഗിക്കാവുന്ന മൂന്ന് സ്‌ക്രീനുകളും സജ്ജീകരിച്ചിരിക്കുന്നു. ആകാശത്തുനിന്ന് ആകാശത്തേക്കും ആകാശത്തുനിന്ന് കരയിലേക്കുമുള്ള ദൗത്യങ്ങൾക്കുള്ള ആയുധസജ്ജീകരണങ്ങൾ

ഹ്രസ്വദൂര, ദീർഘദൂര ആകാശ-ആകാശ, ആകാശ-കര ആയുധങ്ങൾ വഹിക്കാൻ കഴിയുന്നതിനാൽ, വിവിധതരം ദൗത്യങ്ങൾ നിർവഹിക്കാൻ യൂറോഫൈറ്റർ ടൈഫൂണിന് (Eurofighter Typhoon) സാധിക്കുന്നു.