തദ്ദേശ തെരഞ്ഞെടുപ്പിൻ്റെ ആദ്യഘട്ടം പൂർത്തിയായി, രണ്ടാംഘട്ട വോട്ടെടുപ്പിനായുള്ള ഒരുക്കങ്ങൾ സജ്ജം: സംസ്ഥാന തെരഞ്ഞെടുപ്പ് കമ്മീഷണർ

തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിൻ്റെ ആദ്യഘട്ട വോട്ടെടുപ്പ് പൂർത്തിയായെന്ന് സംസ്ഥാന തെരഞ്ഞെടുപ്പ് കമ്മീഷണർ എ. ഷാജഹാൻ. 75 ശതമാനം പോളിങ് ഉണ്ടാകുമെന്നാണ് പ്രതീക്ഷ. വഞ്ചിയൂരിലെ കള്ളവോട്ട് ആരോപണത്തിൽ പരാതി ലഭിച്ചിട്ടില്ലെന്നും എ. ഷാജഹാൻ വ്യക്തമാക്കി.

ആലപ്പുഴ മണ്ണഞ്ചേരിയിലെ ഒന്നാം വാർഡിൽ മറ്റന്നാൾ റീപോളിങ് നടക്കും. വോട്ടെടുപ്പ് മുടങ്ങിയതിനെ തുടർന്നാണ് നടപടി. മറ്റെല്ലാ സ്ഥലത്തും സമാധാനപരമായി പോളിങ് നടന്നു. മറ്റന്നാൾ പോളിങ് ഉള്ള സ്ഥലങ്ങളിൽ സാമഗ്രികൾ വിതരണം ചെയ്യും. സജ്ജീകരണങ്ങൾ എല്ലാം പൂർത്തിയായെന്നും സംസ്ഥാന തെരഞ്ഞെടുപ്പ് കമ്മീഷണർ എ. ഷാജഹാൻ വ്യക്തമാക്കി.

…