ക്യു ആർ കോഡ് മാറ്റിവെച്ച് തട്ടിപ്പ് നടത്തുന്ന രീതി പുതുമയുള്ളതല്ല. ഓൺലൈൻ തട്ടിപ്പുകൾ പുതിയ രീതിയിൽ എത്തുമ്പോൾ മധ്യപ്രദേശിൽ കടകളിൽ ക്യുആർ കോഡ് മാറ്റിവെച്ച് തട്ടിപ്പ് നടത്താൻ ശ്രമിച്ചിരിക്കുകയാണ് ഒരു സംഘം. രാത്രിയുടെ മറവിൽ നിരവധി കടകൾക്കും സ്ഥാപനങ്ങൾക്കും പുറത്ത് ഒട്ടിച്ചിരുന്ന ക്യുആർ കോഡുകൾ മാറ്റി തട്ടിപ്പുകാരുടെ അക്കൗണ്ടിന്റെ കോഡാണ് സ്ഥാപിച്ചത്.
ഛത്തർപൂർ ജില്ലയിലെ ഖജുരാഹോ മേഖലയിലെ പെട്രോൾ പമ്പുകൾ ഉൾപ്പെടെ നിരവധി കടകളിലെ ക്യുആർ കോഡുകൾ തട്ടിപ്പുകാർ മാറ്റിയതായി കണ്ടെത്തി. സിസിടിവിയിൽ കുടുങ്ങിയ തട്ടിപ്പുകാർക്കായി പൊലീസ് അന്വേഷണം തുടങ്ങി.
