കുറവിലങ്ങാട് (കോട്ടയം): എംസി റോഡിൽ കുര്യനാട് ചീങ്കല്ലേൽ വളവ് ഭാഗത്ത് ടൂറിസ്റ്റ് ബസ് മറിഞ്ഞ് ഒരാൾ മരിച്ചു. കണ്ണൂർ ഇരിട്ടി സ്വദേശി സന്ധ്യയാണ് മരിച്ചത്. ഒട്ടേറെപ്പേർക്ക് പരുക്കേറ്റു. 49 പേരാണ് ബസിൽ ഉണ്ടായിരുന്നത്. 18 പേർക്കു പരുക്കേറ്റു. ആരുടെയും നില ഗുരുതരമല്ല.
പുലർച്ചെ ഒന്നരയോടെയായിരുന്നു അപകടം. തിരുവനന്തപുരത്തുനിന്ന് പാലക്കാട്ടേക്ക് പോകുകയായിരുന്ന ബസാണ് ചീങ്കല്ലേൽ പാലത്തിനു സമീപമുള്ള വളവിൽ മറിഞ്ഞത്. പരുക്കേറ്റവരെ മോനിപ്പള്ളിയിലെ സ്വകാര്യ ആശുപത്രിയിലും കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. കുറവിലങ്ങാട് പൊലീസും കടുത്തുരുത്തി അഗ്നിരക്ഷാസേനയും സഥലത്തെത്തി
