വാഷിങ്ടണ്: 12 രാജ്യങ്ങളില്നിന്നുള്ള പൗരന്മാര്ക്ക് യുഎസിലേക്ക് യാത്രാവിലക്ക് ഏര്പ്പെടുത്തി പ്രസിഡന്റ് ഡൊണാള്ഡ് ട്രംപ്. അഫ്ഗാനിസ്താന്, മ്യാന്മാര്, ചാഡ്, റിപ്പബ്ലിക് ഓഫ് കോംഗോ, ഇക്വറ്റോറിയല് ഗിനിയ, എറിത്രിയ, ഹെയ്തി, ഇറാന്, ലിബിയ, സോമാലിയ, സുഡാന്, യെമന് എന്നീ രാജ്യങ്ങളിലെ പൗരന്മാര്ക്കാണ് നിരോധനമേര്പ്പെടുത്തിയത്. വിലക്ക് തിങ്കളാഴ്ച മുതല് പ്രാബല്യത്തില്വരും.
ക്യൂബ ഉള്പ്പെടെയുള്ള ഏഴ് രാജ്യങ്ങളിലെ പൗരന്മാര്ക്ക് ഭാഗിക വിലക്കും ഏര്പ്പെടുത്തിയിട്ടുണ്ട്. അമേരിക്കയുടെ ദേശീയ സുരക്ഷ മുന്നിര്ത്തിയാണ് നിരോധനമെന്നാണ് വൈറ്റ് ഹൗസ് നല്കുന്ന വിശദീകരണം.
