റിയാദ്: ഈ വർഷത്തെ ഹജ്ജ് തയ്യാറെടുപ്പിന്റെ ഭാഗമായി തീർഥാടകരുടെ സുരക്ഷ ഉറപ്പാക്കുന്നതിനും, സുരക്ഷിതത്വത്തോടെയും, എളുപ്പത്തിലും, മനസ്സമാധാനത്തോടെയും ഹജ്ജ് കർമ്മം നിർവഹിക്കാൻ അവരെ പ്രാപ്തരാക്കുന്നതിനും ലക്ഷ്യമിട്ടുള്ള നിരവധി ക്രമീകരണങ്ങളും നടപടിക്രമങ്ങളും ആഭ്യന്തര മന്ത്രാലയം പ്രഖ്യാപിച്ചു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
മന്ത്രാലയ പ്രഖ്യാപനങ്ങൾ ഇങ്ങനെ 👇
1: ഉംറ തീർഥാടകർക്ക് രാജ്യത്ത് പ്രവേശിക്കാനുള്ള അവസാന തീയതി ശവ്വാൽ 15 അഥവാ 2025 ഏപ്രിൽ 13 ഞായറാഴ്ചയാണ്.
2: ഉംറ തീർഥാടകർക്ക് ഏപ്രിൽ 29 വരെ മാത്രമേ രാജ്യത്ത് തങ്ങാൻ അനുവാദമുള്ളൂ. അതായത് ഹിജ്റ 1446 ദുൽഖഅദ് 1 വരെ മാത്രം.
3: 2025 ഏപ്രിൽ 23 ബുധനാഴ്ച മുതൽ മക്കയിലേക്ക് പ്രവേശിക്കാൻ ആഗ്രഹിക്കുന്ന പ്രവാസികൾ ബന്ധപ്പെട്ട അധികാരികളിൽ നിന്ന് പെർമിറ്റ് നേടേണ്ടതുണ്ട്. ആവശ്യമായ പെർമിറ്റുകൾ ഇല്ലാത്ത വിദേശികളെ മക്കയിലേക്ക് പ്രവേശിക്കുന്നത് തടയും. ആവശ്യമായ പെർമിറ്റുകൾ ഇല്ലാത്ത താമസക്കാരെ വിശുദ്ധ തലസ്ഥാനത്ത് പ്രവേശിക്കുന്നത് തടയുകയും തിരികെ അയയ്ക്കുകയും ചെയ്യും. മക്ക ഇഖാമയോ വർക്ക് പെർമിറ്റോ ഉള്ളവർക്കും, ജോലി ആവശ്യാർത്ഥം മക്കയിലേക്ക് പ്രവേശിക്കാനുള്ള പ്രത്യേക പെർമിറ്റെടുത്തവർക്കും ഹജ്ജ് പെർമിറ്റുള്ളവർക്കും മാത്രമേ മക്കയിലേക്ക് പ്രവേശിക്കാൻ സാധിക്കൂ.
ഹജ്ജ് സീസണിൽ ജോലി ചെയ്യുന്ന വിദേശികൾക്ക് മക്കയിലേക്ക് പ്രവേശിക്കാനുള്ള പെർമിറ്റുകൾ “അബ്ഷിർ” പ്ലാറ്റ്ഫോം വഴിയും “മുഖീം പോർട്ടൽ” വഴിയും ഇലക്ട്രോണിക് ആയി ലഭിക്കും. എല്ലാ തരം സന്ദർശക വിസകളിലുള്ളവരും ഏപ്രിൽ 29 മുതൽ മക്ക നഗരത്തിൽ പ്രവേശിക്കാനോ അവിടെ താമസിക്കാനോ പാടില്ല.
4: സഊദിയിലുള്ളവർക്കും, ജിസിസി രാജ്യങ്ങളിലുള്ളവർക്കും, സഊദിക്കുള്ളിലെ ഇഖാമയുള്ള താമസക്കാർ, മറ്റ് വിസകൾ കൈവശമുള്ളവർ എന്നിവർക്കും “നുസുക്” പ്ലാറ്റ്ഫോം വഴി ഉംറ പെർമിറ്റുകൾ നൽകുന്നത് 2025 ഏപ്രിൽ 29 മുതൽ 2025 ജൂൺ 10 വരെ താൽക്കാലികമായി നിർത്തിവച്ചു. അതിനു ശേഷം പെർമിറ്റ് ലഭ്യമാകില്ല.
5: ഹജ്ജ് വിസ കൈവശമുള്ളവർ ഒഴികെയുള്ള എല്ലാത്തരം വിസക്കാരും, 2025 ഏപ്രിൽ 29 മുതൽ, (ഹിജ്റ 1446 ദുൽഖഅദ് 1) ചൊവ്വാഴ്ച മുതൽ മക്ക നഗരത്തിൽ പ്രവേശിക്കാനോ അവിടെ തുടരാനോ അനുവാദമില്ല. അതായത്എല്ലാ തരം സന്ദർശക വിസകളിലുള്ളവരും ഏപ്രിൽ 29 മുതൽ മക്ക നഗരത്തിൽ പ്രവേശിക്കാനോ അവിടെ താമസിക്കാനോ പാടില്ല.
ഈ വർഷത്തെ ഹജ്ജ് സീസണിനെ നിയന്ത്രിക്കുന്ന നിയന്ത്രണങ്ങൾ പാലിക്കണമെന്നും തീർഥാടകരുടെ സുരക്ഷ ഉറപ്പാക്കാൻ ബന്ധപ്പെട്ട അധികാരികളുമായി സഹകരിക്കണമെന്നും ആഭ്യന്തര മന്ത്രാലയം ആവശ്യപ്പെട്ടു. ഈ നിയന്ത്രണങ്ങൾ ലംഘിക്കുന്ന കുറ്റവാളികളെ നിയമപരമായ ശക്തമായ ശിക്ഷകൾക്ക് വിധേയമാക്കും.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
