നിരന്തരം പുതിയ ഫീച്ചറുകള് അവതരിപ്പിക്കുന്ന തിരക്കിലാണ് ഇന്സ്റ്റന്റ് മെസേജിങ് ആപ്പായ വാട്സ്ആപ്പ്.
ഉപയോക്താക്കള് അയയ്ക്കുന്ന ഫോട്ടോകള്ക്ക് മറുപടി നല്കാനും അവ എഡിറ്റ് ചെയ്യാനും സാധിക്കുന്ന തരത്തില് മെറ്റാ എഐയില് മാറ്റം വരുത്താന് ഒരുങ്ങുകയാണ് വാട്സ്ആപ്പ്. പുതിയ അപ്ഡേറ്റില് ഇത്തരത്തില് മാറ്റം വരുത്താനുള്ള പരീക്ഷണത്തിലാണ്.
ഉപയോക്താക്കള്ക്ക് ചിത്രങ്ങള് മെറ്റാ എഐയുമായി നേരിട്ട് പങ്കിടാന് അനുവദിക്കുന്ന പുതിയ ചാറ്റ് ബട്ടണ് കൊണ്ടുവരുന്നതായും റിപ്പോര്ട്ടുണ്ട്. മെറ്റാ എഐയിലേക്ക് ചിത്രങ്ങള് അയച്ചതിന് ശേഷം, ഉപയോക്താക്കള്ക്ക് ഒരു പ്രത്യേക ഒബ്ജക്റ്റ് തിരിച്ചറിയാനോ സന്ദര്ഭം പറയാനോ ചാറ്റ്ബോട്ടിനോട് ആവശ്യപ്പെടാന് കഴിയും. കൂടാതെ, ഉപയോക്താക്കള്ക്ക് ഒരു ടെക്സ്റ്റ് സന്ദേശം വഴി ഒരു ഇമേജില് മാറ്റങ്ങള് വരുത്താന് മെറ്റാ എഐയോട് ആവശ്യപ്പെടാനും സാധിക്കും.
മെറ്റാ എഐയില് ചിത്രങ്ങള് പങ്കുവെച്ചാല് ഉപയോക്താക്കള്ക്ക് എഐ ചിത്രങ്ങള് ലഭിക്കുന്നതിനായുള്ള ഫീച്ചറിനായി വാട്സ്ആപ്പ് പ്രവര്ത്തിക്കുന്നുണ്ടെന്ന് നേരത്തെ റിപ്പോര്ട്ടുകളുണ്ടായിരുന്നു.
