ജിദ്ദ: ഹജ്ജ് നടപടികൾ അവസാനിച്ചതോടെ പുതിയ ഉംറ സീസണിലേക്കുള്ള ഉംറ വിസകൾ അനുവദിക്കാൻ തുടങ്ങി. ഇന്നു മുതലാണ് ഹജ്, ഉംറ മന്ത്രാലയം പുതിയ ഉംറ വിസാ അപേക്ഷകള് സ്വീകരിച്ച് വിസകള് അനുവദിക്കാന് തുടങ്ങിയത്. മുന് വര്ഷങ്ങളില് ഹജ് സീസണ് അവസാനിച്ച ശേഷം മുഹറം ഒന്നു മുതലാണ് ഉംറ വിസകള് അനുവദിച്ചിരുന്നത്. എന്നാൽ, ഈ വര്ഷം മുതല് ഹജ് പൂര്ത്തിയായാലുടന് ഉംറ വിസ അനുവദിക്കാന് നേരത്തെ തീരുമാനിച്ചിരുന്നു.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഉംറ സേവന മേഖലയില് പ്രവര്ത്തിക്കുന്ന മുഴുവന് വകുപ്പുകളുമായും ഏകോപനം നടത്തിയാണ് മന്ത്രാലയം വിസകള് അനുവദിക്കുന്നത്. കൂടുതല് ഉംറ തീര്ഥാടകരെ സ്വീകരിക്കാനുള്ള പദ്ധതി അനുസരിച്ചാണ് മന്ത്രാലയം പ്രവര്ത്തിക്കുന്നത്. വിദേശങ്ങളില് നിന്നെത്തിയ ഹജ് തീര്ഥാടകരില് ബഹുഭൂരിഭാഗവും ഇനിയും സ്വദേശങ്ങളിലേക്ക് മടങ്ങിയിട്ടില്ല. ഇതിനു മുമ്പു തന്നെ ഉംറ വിസ അനുവദിക്കുകയാണിപ്പോൾ.
2030 ഓടെ പ്രതിവര്ഷം പുണ്യഭൂമിയിലെത്തുന്ന തീര്ഥാടകരുടെ എണ്ണം മൂന്നു കോടിയിലേറെയായി ഉയര്ത്താനാണ് വിഷന് 2030 ലക്ഷ്യമിടുന്നത്. കഴിഞ്ഞ കൊല്ലം വിദേശങ്ങളില് നിന്ന് 1.355 കോടിയിലേറെ ഉംറ തീര്ഥാടകരെത്തിയിരുന്നു.
ഉംറ വിസാ കാലാവധി 90 ദിവസമായി ദീര്ഘിപ്പിച്ചത് കൂടുതൽ പേരെ ആകർഷിക്കുന്നുണ്ട്. ഉംറ വിസയില് രാജ്യത്ത് പ്രവേശിക്കുന്നവര്ക്ക് വിസാ കാലാവധിയില് സഊദിയില് എവിടെയും സ്വതന്ത്രമായി സഞ്ചരിക്കാനും കഴിയും. ഉംറ വിസക്കാര്ക്ക് സഊദിയിലെ ഏതു എയര്പോര്ട്ടുകളും അതിര്ത്തി പ്രവേശന കവാടങ്ങളും വഴി രാജ്യത്ത് പ്രവേശിക്കാനും അനുമതിയുണ്ട്. ബിസിനസ്, വിസിറ്റ് വിസകള് അടക്കം ഏതു വിസയിലും സഊദിയില് പ്രവേശിക്കുന്നവര്ക്ക് ഇപ്പോള് ഉംറ കര്മം നിര്വഹിക്കാന് സാധിക്കും.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
