ബംഗളൂരു: ഷർട്ടിന്റെ ബട്ടണിട്ടില്ലെന്നും മാന്യമായ രീതിയിൽ വസ്ത്രം ധരിച്ചില്ലെന്നും ആരോപിച്ച് യുവാവിന് മെട്രോ യാത്ര നിഷേധിച്ചതായി പരാതി. ദൊഡ്ഡകല്ലസന്ദ്ര മെട്രോ സ്റ്റേഷനിൽ മെട്രോ ട്രെയിനിൽ കയറാനെത്തിയ യുവാവിനെയാണ് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) ഉദ്യോഗസ്ഥർ തടഞ്ഞത്.
മാന്യമായി വസ്ത്രം ധരിച്ച് വന്നാൽ മാത്രമേ ട്രെയിനിൽ കയറ്റൂവെന്ന് പറഞ്ഞ് ഉദ്യോഗസ്ഥർ യുവാവിനെ തിരിച്ചയച്ചതായി ഒപ്പമുണ്ടായിരുന്ന യാത്രക്കാർ പറയുന്നു. അല്ലാത്ത പക്ഷം മെട്രോയുടെ പരിസരത്ത് പ്രവേശിക്കാൻ അനുവദിക്കില്ലെന്നും അറിയിച്ചു.ഇതോടെ കൂടെയുണ്ടായിരുന്ന യാത്രക്കാർ ഇടപെടുകയും ഒരാൾ ഇത് മൊബൈൽ ഫോണിൽ ചിത്രീകരിച്ച് സോഷ്യൽമീഡിയയിൽ പോസ്റ്റ് ചെയ്യുകയും ചെയ്തു.
