ദുബൈ: യുഎഇയിലെ താമസക്കാർക്ക് വെർച്വൽ പ്രൈവറ്റ് നെറ്റ്വർക്കുകൾ (വിപിഎൻ) ഉപയോഗിക്കാൻ അനുവാദമുണ്ടെന്ന് യുഎഇ ഗവൺമെൻ്റിൻ്റെ സൈബർ സുരക്ഷാ മേധാവി മുഹമ്മദ് അൽ കുവൈത്തി. എന്നാൽ അതിൻ്റെ ദുരുപയോഗം നിയമവിരുദ്ധമാണെന്ന് രാജ്യത്തിൻ്റെ സൈബർ സുരക്ഷാ മേധാവി പറഞ്ഞു.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
“ആളുകൾ വിപിഎൻ ഉപയോഗിക്കുന്നതിൽ ഞങ്ങൾക്ക് പ്രശ്നമില്ല, പക്ഷേ അത് മോശമായ കാര്യങ്ങൾക്ക് ഉപയോഗിക്കുന്നതാണ് പ്രശ്നം” – മുഹമ്മദ് അൽ കുവൈത്തി വ്യക്തമാക്കി.
അറ്റ്ലസ് വിപിഎൻ പുറത്തിറക്കിയ ഗ്ലോബൽ വിപിഎൻ അഡോപ്ഷൻ ഇൻഡക്സിൻ്റെ ഏറ്റവും പുതിയ അപ്ഡേറ്റ് അനുസരിച്ച്, കഴിഞ്ഞ നാല് വർഷത്തിനിടയിൽ യുഎഇ 2023-ൽ ഏറ്റവും ഉയർന്ന വിപിഎൻ ആപ്ലിക്കേഷൻ ഡൗൺലോഡുകൾ രേഖപ്പെടുത്തിയിരുന്നു.
കിംവദന്തികൾക്കും സൈബർ കുറ്റകൃത്യങ്ങൾക്കുമെതിരെ പോരാടുന്ന 2021 ലെ യുഎഇ ഡിക്രി നിയമ നമ്പർ (34) പ്രകാരം, നിയമവിരുദ്ധമായ മാർഗങ്ങൾക്കായി വിപിഎൻ ഉപയോഗിക്കുന്നത് ഗുരുതരമായി കുറ്റകൃത്യമാണ്. കുറ്റകൃത്യം ചെയ്യുന്നതും അല്ലെങ്കിൽ വെബ്സൈറ്റുകൾ/കോളിംഗ് ആപ്ലിക്കേഷനുകൾ / ഗെയിമിംഗ് ആപ്ലിക്കേഷനുകൾ എന്നിവയിലേക്ക് ആക്സസ് ലഭിക്കുന്നതിന് IP വിലാസം മറയ്ക്കുന്നതും ഗുരുതരമായ കുറ്റമാണ്. നിയമം ലംഘിക്കുകയും വിപിഎൻ ദുരുപയോഗം ചെയ്യുകയും ചെയ്യുന്ന യുഎഇ നിവാസികൾക്ക് 500,000 ദിർഹം മുതൽ 2 ദശലക്ഷം ദിർഹം വരെ തടവും പിഴയും ലഭിക്കും.
വാട്ട്സ്ആപ്പ്, സ്കൈപ്പ്, ഫേസ്ടൈം, ഡിസ്കോർഡ്, ഐഎംഒ, ഡേറ്റിംഗ് ആപ്പുകൾ എന്നിവയിലൂടെ ഓഡിയോ-വീഡിയോ കോളുകൾ ചെയ്യാൻ യുഎഇയിലും മറ്റ് ഗൾഫ് നിവാസികൾക്കിടയിലും വിപിഎൻ ഉപയോഗിക്കുന്നത് സാധാരണമാണെന്ന് നോർഡ് സെക്യൂരിറ്റി പറഞ്ഞു. യുഎഇ നിവാസികൾ കഴിഞ്ഞ വർഷം 6.1 ദശലക്ഷം വിപിഎൻ ആപ്പുകൾ ഡൗൺലോഡ് ചെയ്തു. മുൻ വർഷത്തേക്കാൾ 1.83 ദശലക്ഷം വർധനയാണ് രേഖപ്പെടുത്തിയത്.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
