ജിദ്ദ: ക്ലബ് ലോകകപ്പിൽ കിരീടം ഉയർത്തി മാഞ്ചസ്റ്റർ സിറ്റി. കിങ് അബ്ദുല്ല സ്പോർട്സ് സിറ്റി സ്റ്റേഡിയത്തിൽ നടന്ന ഫൈനലിന്റെ ആദ്യ മിനിറ്റിൽ തന്നെ ബ്രസീലിയൻ ടീമായ ഫ്ളമിനൻസ് എഫ്.സിക്കെതിരെ മാഞ്ചസ്റ്റർ സിറ്റി ഗോൾ നേടി. ഏകപക്ഷീയമായ നാലു ഗോളുകൾക്കായിരുന്നു ജയം.
ഈ ആഗോള ഇവന്റിന്റെ വിജയത്തിൽ ഞങ്ങൾ സന്തുഷ്ടരാണെന്ന് കായിക മന്ത്രി പ്രിൻസ് അബ്ദുൽ അസീസ് ബിൻ തുർക്കി ബിൻ ഫൈസൽ. നേതൃത്വത്തിൽ നിന്ന് കായിക മേഖലയ്ക്ക് എല്ലാ ഉദാരമായ പിന്തുണയും വലിയ താൽപ്പര്യവും ലഭിച്ചു, ഇത് നമ്മുടെ മഹത്തായ മാതൃരാജ്യത്തെ വിവിധ കായിക ഇനങ്ങൾ രാജ്യത്തേക്ക് എത്തിക്കാൻ കഴിഞ്ഞന്നും അദ്ദേഹം പറഞ്ഞു. വിജയകരമാക്കാൻ നടത്തിയ മഹത്തായ പരിശ്രമത്തിനും മികച്ച സഹകരണത്തിനും കായിക മന്ത്രി ഫിഫയ്ക്ക് നന്ദി പറഞ്ഞു.
ഫിഫ ക്ലബ് കിരീടം നേടുന്നത് തന്റെ ടീമിനും കളിക്കാർക്കും എക്കാലത്തും വിലമതിക്കാവുന്ന ഒന്നായിരിക്കുമെന്ന് നേരത്തെ സിറ്റി പരിശീലകൻ പെപ് ഗാർഡിയോള പറഞ്ഞിരുന്നു. ക്ലബ്ബ് ലോകകപ്പിനായി സൗദി അറേബ്യയിലേക്ക് തിരിക്കുന്നതിന് മുമ്പ് മാഞ്ചസ്റ്റർ ആറ് ലീഗ് മത്സരങ്ങളിൽ ഒന്ന് മാത്രമാണ് വിജയിച്ചത്. എന്നാൽ ക്ലബ് ലോകകപ്പിന്റെ ആദ്യ സെമിയിൽതന്നെ ജപ്പാന്റെ ഉറവ റെഡ്സിനെ 3-0 ന് തോൽപ്പിച്ച് ഫൈനലിലെത്തി. ക്ലബ് ലോകകപ്പ് എന്നെന്നേക്കുമായി നിലനിൽക്കുന്ന ഒന്നാണെന്നും ഗാർഡിയോള പറഞ്ഞു.
