സിംഗപ്പൂര് സിറ്റി: എഞ്ചിന് തീപിടിച്ച് വിമാനം അടിയന്തരമായി ഇറക്കി. എയര് ചൈന വിമാനത്തിനാണ് സിംഗപ്പൂരില് അടിയന്തിര ലാന്റിംഗ് നടത്തേണ്ടി വന്നത്. സംഭവത്തിൽ ഒമ്പത് യാത്രക്കാര്ക്ക് പരിക്കേറ്റു. വിമാനം അടിയന്തരമായി ഇറക്കുന്നതിന്റെ നിരവധി ചിത്രങ്ങളും വീഡിയോകളും സോഷ്യല് മീഡിയയില് പ്രചരിച്ചു. തെക്കുപടിഞ്ഞാറന് ചൈനീസ് നഗരമായ ചെങ്ഡുവില് നിന്ന് പുറപ്പെട്ട സിഎ 403 വിമാനത്തില് ക്രൂ അംഗങ്ങളടക്കം 155 പേര് ഉണ്ടായിരുന്നു.
യാത്രക്കാര് അപകടത്തില്പ്പെട്ട വിമാനം ടാര്മാക്കിലേക്ക് എമര്ജന്സി സ്ലൈഡിലൂടെ പുറത്തേക്ക് പോകുന്നതാണ് വീഡിയോ. തെക്കുപടിഞ്ഞാറന് ചൈനീസ് നഗരമായ ചെങ്ഡുവില് നിന്നുള്ള വിമാനം സിറ്റിസ്റ്റേറ്റിലേക്കുള്ള യാത്രയ്ക്കിടെ ഫോര്വേഡ് കാര്ഗോ ഹോള്ഡില് പുക ഉയര്ന്നുവെന്ന് സിംഗപ്പൂരിലെ ചാംഗി എയര്പോര്ട്ട് ഫേസ്ബുക്കില് നല്കിയ പ്രസ്താവനയില് പറഞ്ഞു.
വൈകുന്നേരം 4:15 ന് വിമാനം ലാന്ഡ് ചെയ്തതായും എല്ലാ യാത്രക്കാരും ജോലിക്കാരും സുരക്ഷിതരാണെന്നും പ്രസ്താവനയില് കൂട്ടിച്ചേര്ത്തു. ചാംഗി എയര്പോര്ട്ടിലെ റണ്വേ കുറച്ചുനേരം അടച്ചുവെന്നും ഒരു വിമാനം ഇന്തോനേഷ്യയിലെ അടുത്തുള്ള ദ്വീപായ ബറ്റാമിലേക്ക് വഴിതിരിച്ചുവിട്ടതായും എഎഫ്പി റിപ്പോര്ട്ട് ചെയ്തു.
ട്രാന്സ്പോര്ട്ട് സേഫ്റ്റി ഇന്വെസ്റ്റിഗേഷന് ബ്യൂറോ സംഭവത്തെക്കുറിച്ച് അന്വേഷിക്കുകയാണെന്നും സഹായിക്കാന് ചൈനീസ് അധികൃതരുമായി ബന്ധപ്പെട്ടിട്ടുണ്ടെന്നും സിവില് ഏവിയേഷന് അതോറിറ്റി ഓഫ് സിംഗപ്പൂര് (സിഎഎഎസ്) അറിയിച്ചു. പ്രചരിക്കുന്ന വീഡിയോ കാണാം👇
