ഒന്ന് പിഴച്ചു…. മലയാളിക്ക് നഷ്ടമായത് 100 മില്യൺ ദിർഹം. എമിറേറ്റ്സ് ഡ്രോ നറുക്കെടുപ്പിലാണ് മലയാളി റിജോ തോമസ് ജോസിന് ഒന്നാം സമ്മാനം നഷ്ടമായത്. രണ്ടാം സമ്മാനമായ 2.5 ലക്ഷം ദിർഹം മെഗാ7 ഡ്രോയിൽ റിജോ സ്വന്തമാക്കി.
“ഇ-മെയിൽ വഴിയാണ് സമ്മാനം ലഭിച്ച വിവരം ഞാൻ അറിഞ്ഞത്. എനിക്ക് എന്റെ കണ്ണുകളെ വിശ്വസിക്കാൻ കഴിഞ്ഞില്ല. ഇത് വലിയൊരു തുകയാണ്.” – കുടുംബ ബിസിനസ് നടത്തുന്ന 37 വയസ്സുകാരനായ റിജോ പറയുന്നു.
വിദ്യാഭ്യാസ സ്ഥാപനം നടത്തുന്ന ബുദ്ധിമുട്ടാണെന്നാണ് റിജോ പറയുന്നത്. പക്ഷേ, വിദ്യാർത്ഥികളെ അവരുടെ സ്വപ്നങ്ങൾ പിന്തുടരാൻ സഹായിക്കുന്നതിൽ അഭിമാനമുണ്ടെന്നും റിജോ പറയുന്നു. ഒരു വർഷത്തോളമായി റിജോ എമിറേറ്റ്സ് ഡ്രോ കളിക്കുന്നുണ്ട്. ഗ്രാൻഡ് പ്രൈസ് 100 മില്യൺ ദിർഹം നേടണമെന്നതാണ് അദ്ദേഹത്തിന്റെ ആഗ്രഹം.
എന്നെങ്കിലും ഗ്രാൻഡ് പ്രൈസ് നേടാനായാൽ സ്കൂളിലേക്ക് കുട്ടികളെ അയക്കാൻ പണമില്ലാത്ത മാതാപിതാക്കൾക്ക് സഹായത്തിനായി പണം ചെലവഴിക്കുമെന്നാണ് റിജോ പറയുന്നത്.
ഒറ്റ ടിക്കറ്റിലൂടെ മൂന്നിരട്ടി വിജയം നേടാനുള്ള അവസരമാണ് എമിറേറ്റ്സ് ഡ്രോ. ഈസി6, ഫാസ്റ്റ്5, മെഗാ7 ഏത് ടിക്കറ്റ് എടുത്താലും നറുക്കെടുപ്പിന് പുറമെ 2 കിലോഗ്രാം സ്വർണ്ണം നേടാനുള്ള ഗോൾഡൻ റാഫ്ളിലും നിങ്ങൾക്ക് പങ്കെടുക്കാനാകും.
