റിയാദ്: ചായ പല തരത്തിൽ ഇന്ന് കാണപ്പെടുന്നുണ്ട്, പക്ഷേ ചുവപ്പിന് പകരം നീല ചായ ആണെങ്കിലോ, ഇതാണ് ഇപ്പോൾ സഊദിയിലെ ചില ഭാഗത്ത് നിന്നുള്ള വാർത്ത. പ്രത്യേകിച്ചും ജാസാൻ മേഖലയിലെ പർവതപ്രദേശമായ ഫിഫ പ്രവിശ്യയിൽ വളരുന്ന ഈ നീല ചായ ഇന്ന് വിവിധക ഗവേഷണത്തിനും പരീക്ഷണത്തിനും ഉപയോഗിക്കുന്നുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ജിസാനിലെ ഫിഫയിലെ ഈ പ്ലാന്റ് മുമ്പ് ഫിഫയിലെ താമസക്കാർ ശ്രദ്ധിച്ചിരുന്നില്ലെന്ന് കർഷകനായ അഹമ്മദ് അൽ-മാലികി പറയുന്നു. പിന്നീട് ഡോ. അഹമ്മദ് സയീദ് കഷാഷ് ഗവർണറേറ്റ് സന്ദർശിച്ചപ്പോഴാണ് ഫിഫയുടെ താഴ്വരകളിലെ ഈ പ്ലാന്റ് തിരിച്ചറിഞ്ഞത്. ഇവിടെ നിന്നായിരുന്നു താൽപ്പര്യത്തിന്റെയും പരിചരണത്തിന്റെയും യാത്ര ആരംഭിച്ചത്.
മുഹറജത് എന്നറിയപ്പെടുന്നുവെന്നും ഇത് ഒരു പയർവർഗ്ഗമാണെന്നും ജസാൻ പർവതനിരകളുടെ താഴ്വാരകളിൽ ഇത് ധാരാളമായി കാണപ്പെടുന്നുവെന്നുമാണ് പ്രായമായവരോട് ചെടിയെക്കുറിച്ച് ചോദിച്ചപ്പോൾ പറയുന്നത്. കിഴക്കൻ ഏഷ്യയാണ് ഈ ചായയുടെ ജന്മദേശം. പ്രദേശത്തെ മിക്ക ഫാമുകളിലേക്കും ഇതിന്റെ കൃഷി ഇപ്പോൾ വ്യാപിച്ചു.
മിക്കവാറും എല്ലാ പ്രാദേശിക പരിതസ്ഥിതികളിലും ബ്ലൂ ടീ വളരുന്നുണ്ടെന്നും വർഷത്തിൽ ഭൂരിഭാഗവും അതിന്റെ ദ്രുതഗതിയിലുള്ള വളർച്ചയും ഉൽപാദനവുമാണ് ഇതിന്റെ സവിശേഷതയെന്നും കർഷകൻ കൂട്ടിച്ചേർത്തു. നിലവിൽ നാമൊക്ക രുചിച്ച, അറിയപ്പെടുന്ന ചായയുടെ രുചിയിൽ നിന്ന് തികച്ചും വ്യത്യസ്തമായ ബൊട്ടാണിക്കൽ രുചിയുള്ള ചായ തയ്യാറാക്കാൻ നീല പൂക്കൾ ആണ് ഉപയോഗിക്കുന്നുത്. പ്രമേഹം, ഭക്ഷണക്രമം, പ്രതിരോധശേഷി എന്നിവയ്ക്ക് ഉപയോഗപ്രദമാണ് ഇതെന്നാണ് കണ്ടെത്തൽ.
ഈ നീലചായയുടെ ഗുണങ്ങൾ ഔഷധപരവും ആരോഗ്യകരവുമാണെന്ന് കർഷകൻ പറയുന്നു. ചർമ്മ സംരക്ഷണവും വാർദ്ധക്യം തടയലും ഉൾപ്പെടെ, ഇത് ഞരമ്പുകളെ ശാന്തമാക്കുന്നതിനും ഉത്കണ്ഠയുടെയും പിരിമുറുക്കത്തിന്റെയും ഘടകങ്ങളെ ചെറുക്കുന്നതിനും ഉപകാരപ്രദമാണ്. കൂടാതെ രോഗങ്ങളെ ചെറുക്കുന്ന ആന്റിഓക്സിഡന്റുകളിൽ ഒന്നായി ഇത് കണക്കാക്കപ്പെടുന്നു. മാത്രമല്ല, ഇത് പല ഭക്ഷണങ്ങൾക്കും പാനീയങ്ങൾക്കും സുരക്ഷിതമായ പ്രകൃതിദത്ത നിറമായി ഉപയോഗിക്കുന്നുണ്ട്. ഇത് വായുവിന്റെ താപനിലയും കുറയ്ക്കുന്നതിനും സഹായകരമാകുന്നു.
നിലവിൽ ഒരു കിലോ ബ്ലൂ ടീയുടെ വില 600 മുതൽ 1000 റിയാൽ വരെയാണ്. എന്നാൽ പ്രാദേശിക വിപണിയിൽ കുറഞ്ഞ വിലയുള്ള ചൈനീസ് ചായയുടെ ആധിപത്യത്തിന്റെ ഫലമായി അതിന്റെ ആവശ്യകത കുറഞ്ഞു. അതിന്റെ ഗുണനിലവാരം തന്നെയാണ് ഇതിനെ ഏറെ പ്രിയമാക്കുന്നത്. രാസവസ്തുക്കളിൽ നിന്ന് പൂർണ്ണ മുക്തവുമാണ് ഈ ബ്ലൂ ചായ. വീഡിയോ കാണാം👇.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
