ഒന്നിലധികം ഫോണുകൾ ഒരേ വാട്സാപ്പ് അക്കൗണ്ട് ഉപയോഗിക്കാമെന്ന് പ്രഖ്യാപിച്ച് മെറ്റ സി.ഇ.ഒ മാർക്ക് സൂക്കർബർഗ്. നാല് ഫോണുകളിൽ വരെ ഒരേ വാട്സാപ്പ് അക്കൗണ്ട് ഉപയോഗിച്ച് ലോഗിൻ ചെയ്യാം. ഫേസ്ബുക്കിലൂടെയാണ് പുതിയ അപ്ഡേറ്റ് വിവരം സൂക്കർബർഗ് പ്രഖ്യാപിച്ചത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
എല്ലാ ഉപഭോക്താക്കൾക്കും വരുന്ന ആഴ്ചകളിൽ തന്നെ ഫീച്ചർ ലഭ്യമാവുമെന്ന് വാട്സാപ്പ് അറിയിച്ചു. നിലവിൽ ഒരു വാട്സാപ്പ് അക്കൗണ്ട് ഒരു ഫോണിൽ മാത്രമേ ഉപയോഗിക്കാൻ സാധിക്കുമായിരുന്നുള്ളു. ഇതിനൊപ്പം ഡെസ്ക്ടോപ്പ് ഡിവൈസുകളിൽ വാട്സാപ്പ് ലോഗ് ഇൻ ചെയ്യാൻ സാധിക്കുമായിരുന്നു.
മറ്റ് ഫോണുകളിലും വാട്സാപ്പ് മെസേജുകൾ ലഭ്യമാകുമെന്നതിനാൽ ഒരു ഫോൺ സ്വിച്ച് ഓഫ് ആയാലും മറ്റുള്ളവയിൽ വാട്സാപ്പ് ഉപയോഗിക്കാം. രണ്ട് ബില്യൺ ഉപയോക്താക്കളുള്ള ലോകത്തിലെ ഏറ്റവും വലിയ മെസേജിങ് സേവനമാണ് വാട്സാപ്പ്.
ഇത് ഒന്നിലധികം വഴികളിൽ ചെയ്യാവുന്നതാണെന്നാണ് ഇപ്പോഴത്തെ വിവരം. ഒപ്പം കൂടുതൽ ഫോണുകളിൽ ചേർക്കുന്നതിനുള്ള കൂടുതൽ വഴികൾ പുറത്തിറക്കുമെന്ന് Meta സ്ഥിരീകരിച്ചു. ഇപ്പോൾ, ഒരാൾ സെക്കൻഡറി ഫോണിൽ ഫോൺ നമ്പർ നൽകേണ്ടതുണ്ട്, തുടർന്ന് പ്രാഥമിക ഫോണിൽ ലഭിച്ച OTP നൽകുക. അതുപോലെ, പ്രാഥമിക ഉപകരണത്തിലെ കോഡ് സ്കാൻ ചെയ്ത് ഒരാൾക്ക് ഒരു മറ്റൊരു ഫോൺ ചേർക്കാനും കഴിയും. എന്നാൽ, പലർക്കും ഇപ്പോൾ ഇത് ലഭ്യമായിട്ടില്ല. എല്ലാ ഉപഭോക്താക്കൾക്കും വരുന്ന ആഴ്ചകളിൽ തന്നെ ഫീച്ചർ ലഭ്യമാവുമെന്ന് വാട്സാപ്പ് അറിയിച്ചു.
ഉപയോക്താക്കൾക്ക് ഒരു ആൻഡ്രോയിഡിലോ iOS ഫോണിലോ വാട്ട്സ്ആപ്പ് അക്കൗണ്ട് അനുവദിക്കും. ഇതിനാൽ ഒരു വാട്സ്ആപ്പ് ആൻഡ്രോയിഡ് ഐഒഎസ് ഫോണുകളിൽ ഒരെ സമയം ഉപയോഗിക്കാം. അപ്ഡേറ്റ് ലോകമെമ്പാടും ലഭിക്കുമെന്നും വരും ആഴ്ചകളിൽ എല്ലാ ഉപകരണങ്ങളിലും എത്തുമെന്നും മെറ്റാ സ്ഥിരീകരിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
