ജിദ്ദ: ജിദ്ദ ഇന്റര്നാഷണല് ഇന്ത്യന് സ്കൂള് ബോയ്സ് സെക്ഷനില് നാളെ (ബുധന്) മുതല് റഗുലര് ക്ലാസ് ഉണ്ടായിരിക്കുന്നതല്ലെന്ന് പ്രിന്സിപ്പല് ഇന്ചാര്ജ് അറിയിച്ചു. സുഡാനില്നിന്നും എത്തുന്ന ഇന്ത്യക്കാര്ക്ക് താമസസൗകര്യം ഒരുക്കിയതിനാല്ലാണ് ഈ തീരുമാനം.
ഒന്നു മുതല് 12 ക്ലാസുകളിലെ വിദ്യാര്ഥികള്ക്ക് ഇനിയൊരു അറിയിപ്പ് വരെ ഓണ്ലൈനിലായിരിക്കും ക്ലാസ്.
അല് രിഹാബ് ഡിസ്ട്രിക്ടിലെ പ്രൈമറി സെക് ഷന് കെട്ടിടത്തില് കെ.ജി, ഒന്ന്, രണ്ട് ക്ലാസുകളും അസീസിയയിലെ ഗേള്സ് സെക് ഷന് കെട്ടിടത്തില് മൂന്ന് മുതല് 12 വരെ ക്ലാസുകളും പതിവുപോലെ റഗുലര് ക്ലാസുകളായിരിക്കും. സമയത്തിലും മാറ്റമില്ല. സംഘര്ഷ സാഹചര്യം തുടരുന്ന സുഡാനില്നിന്ന് ജിദ്ദ വഴിയാണ് ഇന്ത്യക്കാരെ നാട്ടിലെത്തിക്കുന്നത്.
