ഇജ്തിഹാദ് എന്നത് ഇസ്ലാമിക നിയമപരമായ പദമാണ് എന്നും മുതിർന്ന പണ്ഡിതന്മാരുടെ കൗൺസിൽ ജനറൽ സെക്രട്ടേറിയറ്റ്
റിയാദ്: ഇസ്ലാമിൽ പുതിയൊരു ഇസ്ലാമിക കർമ്മ ധാര അഥവാ മദ്ഹബ് സ്ഥാപിക്കണമെന്ന ആഹ്വാനം തള്ളിക്കളഞ്ഞ് സഊദി ഉന്നത പണ്ഡിത സഭ. അത്തരമൊരു ആഹ്വാനം വസ്തുനിഷ്ഠതയും യാഥാർത്ഥ്യബോധമില്ലാത്തതാണെന്നും, പരിഗണിക്കപ്പെടുന്ന ഇസ്ലാമിക ചിന്താ ധാരകൾ ആധുനിക ജീവിതത്തിന്റെ എല്ലാ തലങ്ങളിലും ഉൾകൊള്ളുന്നതാണെന്നും ഉന്നത പണ്ഡിത സഭ വ്യക്തമാക്കിയ മുതിർന്ന പണ്ഡിതന്മാരുടെ കൗൺസിൽ ജനറൽ സെക്രട്ടേറിയറ്റ് മദ്ഹബ് സ്ഥാപിക്കണമെന്ന ആഹ്വാനം നിരസിക്കുന്നതായും വ്യക്തമാക്കി.
“ഇസ്ലാമിക നിയമശാസ്ത്രം, അതിന്റെ പരിഗണിക്കപ്പെടുന്ന നിയമവിദ്യാലയങ്ങളും വൈവിധ്യമാർന്ന ഇജ്തിഹാദും ആധുനിക ജീവിതത്തിന്റെ എല്ലാ ആവശ്യങ്ങളോടും പ്രതികരിക്കുന്നു. ഇസ്ലാമിക കർമ്മശാസ്ത്രം അതിന്റെ ആവശ്യങ്ങളെ ഇസ്ലാമിക നിയമവുമായി അനുരഞ്ജിപ്പിക്കുന്നുവെന്നും കൂട്ടായ ഇജ്തിഹാദ് അനുഷ്ഠിക്കുന്ന ശാസ്ത്ര സ്ഥാപനങ്ങളും കൗൺസിലുകളും സമന്വയിപ്പിക്കുന്നുവെന്നും കൗൺസിൽ പ്രസ്താവനയിൽ പറഞ്ഞു.
ഇജ്തിഹാദ് എന്നത് ഇസ്ലാമിക നിയമപരമായ പദമാണ്, മതപരമായ കാര്യങ്ങളിൽ പ്രഗത്ഭരായ പണ്ഡിതർ അടങ്ങുന്ന സംഘങ്ങളാൽ കൂട്ടായി എത്തിച്ചേരുന്നതാണ് ഇത്. വിശുദ്ധ ഖുർആനോ നബി (സ) യുടെ പാരമ്പര്യമോ ഇജ്മാഓ (പണ്ഡിത സമവായം) കൃത്യമായി ഉൾക്കൊള്ളാത്ത പ്രശ്നങ്ങളുടെ സ്വതന്ത്രമോ യഥാർത്ഥമോ ആയ വ്യാഖ്യാനം ഇജ്തിഹാദ് ഉൾക്കൊള്ളുന്നുണ്ട്.
“ഈ സമയത്ത് മുസ്ലിംകൾക്കുള്ള ദൈവത്തിന്റെ അനുഗ്രഹങ്ങളിലൊന്ന്, സമൂഹത്തിന്റെ ആവശ്യങ്ങളോടും അതിന്റെ വൈജ്ഞാനികവും സാമൂഹികവും സാമ്പത്തികവുമായ വികാസങ്ങളുമായി ക്രിയാത്മകമായി ഇടപഴകുന്ന ശാസ്ത്ര സ്ഥാപനങ്ങളിലൂടെയും നിയമ സംഹിതകളിലൂടെയും കൂട്ടായ ഇജ്തിഹാദ് സുഗമമാക്കുക എന്നതാണ്. വിവിധ മേഖലകളിൽ വിവിധ മേഖലകളിലായി നൂറുകണക്കിന് തീരുമാനങ്ങൾ ഈ സംഘടനകൾ കൈക്കൊണ്ടിട്ടുള്ളത് ഇതിന് വ്യക്തമായ തെളിവാണ് എന്നും സഊദി ഉന്നത പണ്ഡിത സഭ വ്യക്തമാക്കി.
ഇസ്ലാമിൽ പുതിയ കർമ്മ ശാസ്ത്ര ചിന്താധാര സ്ഥാപിക്കേണ്ടത് അനിവാര്യമാണെന്ന മദീനയിലെ ഖുബാ മസ്ജിദിലെ മുൻ ഇമാം സ്വാലിഹ് അൽ മഗാമിസിയുടെ പ്രസ്താവനയ്ക്ക് മറുപടിയായാണ് സഊദി ഉന്നത പണ്ഡിത സഭ വിശദീകരണ പ്രസ്താവന പുറത്തിറക്കിയത്. സഊദി ഗസറ്റിൽ വന്ന ഉന്നത പണ്ഡിത സഭയുടെ പ്രസ്താവന വായിക്കാൻ ലിങ്കിൽ ക്ലിക്ക് ചെയ്യുക.
