ജിദ്ദ: വിശുദ്ധ റമസാൻ സീസണിൽ മക്കയ്ക്കും മദീനയ്ക്കും ഇടയിലുള്ള ട്രെയിൻ സർവീസുകളുടെ എണ്ണം പ്രതിദിനം 100 ട്രിപ്പുകൾ ആയി ഉയർത്താൻ ഹറമൈൻ ഹൈ സ്പീഡ് റെയിൽവേ തീരുമാനിച്ചു.
ജിദ്ദയിലെ കിംഗ് അബ്ദുൽ അസീസ് ഇന്റർനാഷണൽ എയർപോർട്ട്, മദീനയിലെ പ്രിൻസ് മുഹമ്മദ് ഇന്റർനാഷണൽ എയർപോർട്ട് വഴി സൗദി അറേബ്യയിലേക്കുള്ള ഉംറ തീർഥാടകരുടെയും സന്ദർശകരുടെയും വൻ തിരക്ക് കണക്കിലെടുത്താണ് ഇക്കാര്യത്തിൽ തീരുമാനമെടുത്തതെന്ന് റെയിൽവേ മാനേജ്മെന്റ പറഞ്ഞു.
ഉംറ തീർഥാടകരുടെയും പുണ്യ നഗരങ്ങളായ മക്കയിലെയും മദീനയിലെയും സന്ദർശകരുടെയും ജിദ്ദ നഗരത്തിലെയും കിംഗ് അബ്ദുല്ല ഇക്കണോമിക് സിറ്റി റാബക്കിലെയും സന്ദർശകരുടെയും എണ്ണത്തിൽ ഹറമൈൻ അതിവേഗ ട്രെയിനിൽ വൻ തിരക്കാണ് അനുഭവപ്പെട്ടതെന്ന് സ്രോതസ്സുകൾ അറിയിച്ചു.
ജിദ്ദ, റാബക്ക് വഴി മക്കയെയും മദീനയെയും ബന്ധിപ്പിക്കുന്ന റെയിൽവേ, സർവീസുകളുടെ ഷെഡ്യൂളിൽ 95 ശതമാനം കൃത്യത പാലിച്ചുകൊണ്ട് ഇതുവരെ 25,000-ലധികം ട്രിപ്പുകൾ നടത്തി.
സുലൈമാനിയയിലെ ജിദ്ദ സ്റ്റേഷൻ യാത്രകളുടെ എണ്ണത്തിൽ വർദ്ധനവ് രേഖപ്പെടുത്തിയതായി വൃത്തങ്ങൾ അറിയിച്ചു. നിലവിൽ, മക്കയ്ക്കും ജിദ്ദ സുലൈമാനിയയ്ക്കും ഇടയിൽ ഇരു ദിശകളിലുമായി 58 ട്രിപ്പുകൾ ഉണ്ട്, അതുപോലെ സുലൈമാനിയ സ്റ്റേഷനും കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിനും ഇടയിൽ 26 ട്രിപ്പുകളും ഉണ്ട്.
