റിയാദ്: സഊദി അറേബ്യയിലെ സെൻട്രൽ ബാങ്ക് നിർബന്ധിത വാഹന ഇൻഷുറൻസിനായുള്ള ഏകീകൃത പോളിസിയിലെ ചില വ്യവസ്ഥകളിൽ പരിഷ്കരണം പ്രഖ്യാപിച്ചു. നിലവിൽ പ്രാബല്യത്തിലുള്ള കാര്യങ്ങളിലാണ് പരിഷ്കരണം. ട്രാഫിക് അപകട നാശനഷ്ട ക്ലെയിമുകൾ തീർപ്പാക്കുന്നതിനും ഇൻഷൂർ ചെയ്തവരുടെയും ഇൻഷുറൻസ് പരിരക്ഷയുടെ ഗുണഭോക്താക്കളുടെയും അവകാശങ്ങൾ സംരക്ഷിക്കുന്നതിനും ഇൻഷുറൻസ് നടപടിക്രമങ്ങൾ വികസിപ്പിക്കാനും സുഗമമാക്കാനും ലക്ഷ്യമിട്ടാണ് പുതിയ പദ്ധതി.
ഇൻഷുറൻസ് വ്യവസായത്തിലെ സംഭവവികാസങ്ങൾക്ക് അനുസൃതമായി അനുബന്ധങ്ങളും അതിൽ അടങ്ങിയിരിക്കുന്ന ചില നിർവചനങ്ങളും പരിഷ്ക്കരിക്കുന്നതും ഒഴിവാക്കലുകളും അവലംബിക്കേണ്ട കേസുകളും അപ്ഡേറ്റ് ചെയ്യുന്നതും ഉൾപ്പെട്ടിട്ടുണ്ടെന്ന് സെൻട്രൽ ബാങ്ക് ഓഫ് സൗദി അറേബ്യ സൂചിപ്പിച്ചു. ട്രാഫിക് അപകട നാശനഷ്ട ക്ലെയിമുകൾ പരിഹരിക്കുന്നതിനുള്ള നടപടിക്രമങ്ങൾ വികസിപ്പിക്കുന്നതിനും സുഗമമാക്കുന്നതിനും ഇൻഷ്വർ ചെയ്തവരുടെയും ഇൻഷുറൻസ് പരിരക്ഷയുടെ ഗുണഭോക്താക്കളുടെയും അവകാശങ്ങൾ സംരക്ഷിക്കുന്നതിനുള്ള സഊദി സെൻട്രൽ ബാങ്കിന്റെ ശ്രമത്തെ അടിസ്ഥാനമാക്കിയുള്ളതാണ് പുതിയ പരിഷ്കരണം
നിർബന്ധിത വാഹന ഇൻഷുറൻസിനായുള്ള ഏകീകൃത പോളിസി സെൻട്രൽ ബാങ്ക് വെബ്സൈറ്റ് സന്ദർശിച്ച് കാണാവുന്നതാണ്
