റിയാദ്: സഊദി ആഭ്യന്തര മന്ത്രാലയം അബ്ഷിർ പ്ലാറ്റ്ഫോമിലൂടെ നിരവധി പുതിയ ഇലക്ട്രോണിക് സേവനങ്ങളും സംരംഭങ്ങളും ആരംഭിച്ചു. അബ്ഷിർ ട്രാവൽ സർവീസ് ഉൾപ്പെടെയുള്ള ഏതാനും സർവീസുകളാണ് ആരംഭിച്ചത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
കരമാർഗ്ഗം മറ്റൊരു രാജ്യത്തേക്ക് പ്രവേശിക്കുന്നതിനു മുമ്പ് ലാൻഡ് പോർട്ടുകളെ സമീപിക്കുന്നതിനു മുമ്പ് തന്നെ അപോയിന്റ്മെന്റ് ബുക്ക് ചെയ്യാൻ സാധിക്കുമെന്നതാണ് ട്രാവൽ സർവീസിന്റെ പ്രത്യേകത.
ബഹ്റൈനിലേക്ക് പോകുന്നതിന് കിംഗ് ഫഹദ് കോസ്വേ ജവാസാത്തിലേക്ക് പോകുന്നതിന് മുമ്പ് അപ്പോയിന്റ്മെന്റ് ബുക്ക് ചെയ്യാൻ “അബ്ഷർ ട്രാവൽ” സേവനം പൗരന്മാരെയും വിദേശികളെയും പ്രാപ്തമാക്കുന്നു. അടുത്ത ഘട്ടങ്ങൾ ഉടൻ പ്രഖ്യാപിക്കും. കോസ്വേയിലെ തിരക്കിന്റെ സാന്നിധ്യത്തെക്കുറിച്ച് മുന്നറിയിപ്പ് നൽകാനും കാത്തിരിപ്പ് സമയം കുറയ്ക്കുന്നതിനും ഗുണഭോക്താവിന് ഇത് സഹായകരമാകും.
ഇവക്ക് പുറമേ സഊദി പാസ്പോർട്ടിന്റെയും ഡിജിറ്റൽ ഐഡന്റിറ്റികളുടെയും പുതുക്കൽ, ഡിജിറ്റൽ സംഗതികൾ പരിശോധിക്കുന്നതിനുള്ള സേവനങ്ങൾ, സഊദി പാസ്പോർട്ട് ഒരു ഡിജിറ്റൽ ഐഡന്റിറ്റിയായി അവലോകനം ചെയ്യുന്നതിനുള്ള സേവനം, ആശ്രിതരുടെ ഡിജിറ്റൽ ഐഡന്റിറ്റി അവലോകനം ചെയ്യാൻ വിദേശികളെ പ്രാപ്തമാക്കുന്നതിനുള്ള സേവനം എന്നിവ ഉൾപ്പെടുന്നു.
വ്യക്തികൾക്ക് മോഷ്ടിച്ച വാഹനങ്ങളെക്കുറിച്ച് റിപ്പോർട്ടിംഗ് സേവനം, വ്യക്തികൾക്കായുള്ള അബ്ഷിർ പ്ലാറ്റ്ഫോം വഴിയുള്ള ഇലക്ട്രോണിക് പേയ്മെന്റ് സേവനം, ഇന്റേണൽ അബ്ഷിർ ആപ്ലിക്കേഷൻ എന്നിവയെല്ലാം പുതിയ സേവനങ്ങളിൽ ഉൾപ്പെടുന്നുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
