റിയാദ്: സഊദി അറേബ്യയില് ആഡംബര കാര് റോഡില് വെച്ച് കത്തിനശിച്ചു. തലസ്ഥാന നഗരമായ റിയാദിലെ അല് നഹ്ദയിലായിരുന്നു സംഭവമെന്ന് സൗദി സിവില് ഡിഫന്സ് അറിയിച്ചു. അപകടത്തില് ആര്ക്കും പരിക്കേറ്റിട്ടില്ല.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സിവില് ഡിഫന്സ് ഉദ്യോഗസ്ഥര് സ്ഥലത്തെത്തി തീ നിയന്ത്രണ വിധേയമാക്കിയെങ്കിലും വാഹനത്തിന്റെ ഏതാണ്ടെല്ലാ ഭാഗങ്ങളും കത്തിനശിച്ചു. റോഡില് വെച്ച് വാഹനത്തില് തീ പടര്ന്നു പിടിക്കുന്നതിന്റെ ദൃശ്യങ്ങള് ചിലര് ചിത്രീകരിച്ച് സോഷ്യല് മീഡിയയില് പങ്കുവെച്ചിട്ടുണ്ട്.
أخمد مدني #الرياض حريقًا في مركبة بحي النهضة، ولا إصابات. pic.twitter.com/kYv07ck3wP
— الدفاع المدني السعودي (@SaudiDCD) December 19, 2022
അതേ സമയം, സഊദി അറേബ്യയില് കാറിന് തീയിട്ട് ഡ്രൈവറെ കൊലപ്പെടുത്തിയ സംഭവത്തില് ഒരാളെ അറസ്റ്റ് ചെയ്തതായി ജിദ്ദ പൊലീസ് അറിയിച്ചു. സഊദി പൗരനാണ് അറസ്റ്റിലായത്. കൊല്ലപ്പെട്ട യുവാവും പിടിയിലായ സഊദി പൗരനും തമ്മില് നേരത്തെ തന്നെ ചില തര്ക്കങ്ങളുണ്ടായിരുന്നതായി പ്രാഥമിക അന്വേഷണത്തില് പൊലീസിന് വിവരം ലഭിച്ചിട്ടുണ്ട്. അന്വേഷണം പുരോഗമിക്കുകയാണ്. പിടിയിലായ പ്രതിക്കെതിരെ നിയമനടപടികള് സ്വീകരിച്ചതായും പിന്നീട് ഇയാളെ പ്രോസിക്യൂഷന് കൈമാറിയതായും പൊലീസ് അറിയിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
