റിയാദ്: മദീനയില് മഴവെള്ളപ്പാച്ചിലില്പ്പെട്ട ഏഴുപേരെ സിവില് ഡിഫന്സ് സംഘം രക്ഷപ്പെടുത്തി. സുവൈര്ഖിയയിലാണ് സംഭവം. ഇവരുടെ ആരോഗ്യനില തൃപ്തികരമാണ്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
കഴിഞ്ഞ ദിവസം മദീനയില് ഹറം പരിസരത്ത് ഉള്പ്പെടെ ശക്തമായ മഴ പെയ്തിരുന്നു. താഴ്ന്ന പ്രദേശങ്ങളില് വെള്ളം കയറി. കാലാവസ്ഥ വ്യതിയാനം ഉണ്ടാകുമെന്ന് നേരത്തെ മുന്നറിയിപ്പ് നല്കിയിരുന്നു. ഇതേ തുടര്ന്ന് ബന്ധപ്പെട്ട വകുപ്പുകള് ആവശ്യമായ മുന്കരുതല് നടപടികള് സ്വീകരിച്ചിരുന്നു.
അതിനിടെ, ഞായറാഴ്ച റിയാദ് അടക്കം ആറു പ്രവിശ്യകളില് മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ വിഭാഗം അറിയിച്ചു. റിയാദിന് പുറമെ കിഴക്കന്പ്രവിശ്യ, ഹായില്, അല്ജൗഫ്, വടക്കന് അതിര്ത്തി പ്രദേശങ്ങള്, അല്ഖസീം എന്നിവിടങ്ങളിലാണ് ഭേദപ്പെട്ട മഴ ലഭിക്കുക.
ഏതാനും ദിവസങ്ങൾക്കു മുമ്പ്സ ഊദി അറേബ്യയിലെ വടക്കൻ മേഖലയായ തബൂക്കിലും പരിസരങ്ങളിലും ശക്തമായ കാറ്റും മഴയും ഉണ്ടായിരുന്നു. വീശിയടിച്ച കാറ്റില് വൈദ്യുതി ടവറുകളും പോസ്റ്റുകളും നിലംപൊത്തി. ദിബാ, അല്വജ്, ഉംലജ്, യാമ്പു എന്നിവിടങ്ങളിലാണ് ശക്തമായ മഴ പെയ്തത്. സൗദി അറേബ്യയില് തിങ്കളാഴ്ച മുതല് ബുധനാഴ്ച വരെ കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ് നല്കിയിരുന്നു.
അതേസമയം സഊദി അറേബ്യയിലെ ജിദ്ദയില് ഇക്കഴിഞ്ഞ വ്യാഴാഴ്ച ഉണ്ടായ കനത്ത മഴയിലും പ്രളയത്തിലും നാശനഷ്ടങ്ങള് നേരിട്ടവര്ക്ക് നഷ്ടപരിഹാരം വിതരണം ചെയ്യുന്നതിന് മുമ്പായി പ്രത്യേക കമ്മറ്റികള് അപേക്ഷകള് സ്വീകരിച്ച് തുടങ്ങി. അല്രിഹാബ് ഡിസ്ട്രിക്ടിലെ സിവില് ഡിഫന്സ് കേന്ദ്രത്തില് വെച്ചാണ് നാശനഷ്ടങ്ങള് ഉണ്ടായവരില് നിന്ന് നഷ്ടപരിഹാത്തിനുള്ള അപേക്ഷകള് സ്വീകരിക്കുന്നത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
