കുവൈത്ത് സിറ്റി: നിയമലംഘകരായ പ്രവാസികളെ പിടികൂടാനായി കുവൈത്തില് പരിശോധന ശക്തമായി തുടരുന്നു. ജനറല് ഡിപ്പാര്ട്ട്മെന്റ് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന് അധികൃതര് മറ്റ് ബന്ധപ്പെട്ട വകുപ്പുകളുമായി സഹകരിച്ച് നടത്തിയ പരിശോധനയില് 45 താമസ നിയമലംഘകരെ പിടികൂടി.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ആരോഗ്യ മന്ത്രാലയത്തിന്റെ ലൈസന്സില്ലാതെ പ്രവര്ത്തിച്ചതിന് മൂന്ന് നിയമലംഘനങ്ങളും കണ്ടെത്തി. ഭിക്ഷാടനത്തില് ഏര്പ്പെട്ട ഏഴു പേരെയും അറസ്റ്റ് ചെയ്തു. പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി. ഇവരുടെ സ്പോണ്സര്മാര്ക്കെതിരെയും നടപടിയെടുക്കും.
തൊഴില് നിയമങ്ങള് ലംഘിച്ച് ജോലി ചെയ്യുന്നവരെയും താമസ നിയമങ്ങള് പാലിക്കാത്തവരെയും ഉള്പ്പെടെ പിടികൂടാന് ലക്ഷ്യമിട്ട് കുവൈത്തിന്റെ വിവിധ ഭാഗങ്ങളില് വ്യാപക പരിശോധന നടന്നുവരികയാണ്. താമസ നിയമങ്ങള് ലംഘിച്ച് കുവൈത്തില് കഴിഞ്ഞുവരുന്നവരെയും രാജ്യത്തെ തൊഴില് നിയമങ്ങള്ക്ക് വിരുദ്ധമായി ജോലി ചെയ്യുന്നവരെയും പിടികൂടുന്നുണ്ട്. പരിശോധനയില് നിയമ ലംഘനങ്ങളില് ഏര്പ്പെട്ടതായി കണ്ടെത്തുന്നവരെ ഉടന് തന്നെ ബന്ധപ്പെട്ട വകുപ്പുകള്ക്ക് കൈമാറുകയും അവിടെ നിന്ന് നടപടികള് പൂര്ത്തിയാക്കി നാടുകടത്തല് കേന്ദ്രത്തിലേക്ക് കൊണ്ടുപോവുകയുമാണ് ചെയ്യുന്നത്. പിന്നീട് മറ്റൊരു വിസയിലും കുവൈത്തിലേക്ക് മടങ്ങി വരാനാവാത്ത വിധം വിലക്കേര്പ്പെടുത്തിയാണ് ഇവരെ സ്വന്തം രാജ്യങ്ങളിലേക്ക് അയക്കുന്നത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
