ദോഹ: ആശങ്കകള്ക്കൊടുവില് ബ്രസീല്. സ്വിറ്റ്സര്ലാന്ഡിനെ എതിരില്ലാത്ത ഒരു ഗോളിന് തോല്പ്പിച്ച് ബ്രസീല് ലോകകപ്പ് പ്രീ ക്വാര്ട്ടറില്. 84–ാം മിനിറ്റില് കാസിമിറോയാണ് ഗോള് നേടിയത്. ഫ്രാന്സാണ് ഇതിനുമുന്പ് പ്രീക്വാട്ടറില് എത്തിയത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ആശങ്കകള്ക്കൊടുവില് ബ്രസീല് ആദ്യമൊന്ന് തപ്പിത്തടഞ്ഞു. പിന്നെയൊരു ഗോള് വാര് പിടികൂടി. പക്ഷേ, മഞ്ഞക്കിളികള് ഒടുവില് അത്ഭുതം കാട്ടി. കണക്കുകള് തെറ്റിക്കാതെ പ്രീക്വാര്ട്ടറിലേയ്ക്ക് ചിറകുവിരിച്ചു പറന്നു. മുന്നേറ്റക്കാര് പരാജയപ്പെട്ടിടത്ത് ഡിഫന്സീവ് മിഡ്ഫീല്ഡര് കാസെമിറോ തൊടുത്ത ബുളളറ്റ് വല ഭേദിച്ചപ്പോള് ലോകകപ്പ് ഗ്രൂപ്പ് ജിയില് തുടര്ച്ചയായ രണ്ടാം ജയത്തോടെ ബ്രസീല് പ്രീക്വാര്ട്ടറില് പ്രവേശിച്ചു.
പ്രതിരോധം കൊണ്ട് കരുത്തു കാട്ടുകയും ഒറ്റപ്പെട്ട ആക്രമണം കൊണ്ട് ചിലപ്പോഴൊക്കെ വിറപ്പിക്കുകയും ചെയ്ത സ്വിറ്റ്സര്ലഡിനെ ഈയൊരൊറ്റ ഗോളിന് മറികടന്നാണ് ബ്രസീല് അവസാന പതിനാറില് ഒരാളായത്. ഗോള് മഴ യഥേഷ്ടം കണ്ട ദിവസം ഗോളിലേയ്ക്കുള്ള വഴിമറന്ന മട്ടില് ഗതിതെറ്റിയലഞ്ഞാണ് ഒടുവില് ബ്രസീല് ജയം സ്വന്തമാക്കിയത്.
സ്ട്രൈക്കര്മാര് അവസരങ്ങള് തുലയ്ക്കുന്നത് കണ്ട് നിരാശപൂണ്ട സമനിലയിലേയ്ക്ക് നീങ്ങിയ മത്സരത്തിന്റെ എണ്പത്തിമൂന്നാം മിനിറ്റിലായിരുന്നു കാസെമിരോയുടെ വെടിയുണ്ട് നെറ്റ് സ്വിസ് വല പിളര്ത്തിയത്. ബോക്സില് നിന്ന് തൊടുത്ത വലങ്കാല് ഹാഫ് വോളി അകഞ്ചിയുടെ ദേഹത്ത് ഒന്നുരഞ്ഞ് ഗോളിയെ സ്തംബ്ധനാക്കി വലയില് കയറുകയായിരുന്നു. നേരത്തെ വിനീഷ്യസ് ജൂനിയര് ഒരു വല കുലുക്കിയെങ്കിലും റിച്ചാര്ലിസണ് ഓഫ് ആയതിനെ തുടര്ന്ന് അത് പാഴായി.
പ്രതിഭാധനരായ കളിക്കാരുമായി തുടര്ച്ചയായ രണ്ടാം വിജയത്തിനിറങ്ങിയ ബ്രസീലിനെ ആദ്യ പകുതിയില് സമനിലയില് തളച്ച് സ്വിറ്റ്സര്ലന്ഡ്. വിരസമായ ആദ്യ പകുതിയില് നാമമാത്രമായ അവസരങ്ങള് മാത്രമാണ് ഇരുടീമുകള്ക്കും നേടാനായത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
