ദോഹ: ലോകകപ്പ് ഫുട്ബോളില് ഇന്ന് നാല് മത്സരങ്ങൾ അരങ്ങേറും. ഗ്രൂപ്പ് സിയില് ഇന്ന് സഊദി അറേബ്യക്കെതിരെ ആണ് അര്ജന്റീനയുടെ ആദ്യ മത്സരം. മത്സരം ഇന്ത്യൻ സമയം വൈകിട്ട് 3.30നാണ് നടക്കുക. 6.30 ന് നടക്കുന്ന മത്സരത്തിൽ ഡെൻമാർക്ക്- ടുണീഷ്യയെ നേരിടും. 9.30 നുള്ള മത്സരത്തിൽ മെക്സിക്കോ പോളണ്ടിനെ നേരിടും.
അർജന്റീന X സഊദി അറേബ്യ-വൈകീട്ട് 3.30, ഡെന്മാർക്ക് X ടുണീഷ്യ- വൈകീട്ട് 6.30, മെക്സിക്കോ X പോളണ്ട് – രാത്രി 9.30, ഫ്രാൻസ് X ഓസ്ട്രേലിയ-രാത്രി 12.30 എന്നിങ്ങനെയാണ് ഇന്നത്തെ കളികൾ.
വാർത്തകൾ നേരിട്ട് വാട്ട്സാപ്പിൽ അനൗൺസ്മെന്റ് രൂപത്തിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
നേരത്തെ നടന്ന ഗ്രൂപ്പ് ബി മത്സരത്തില് വെയിൽസ് -യുഎസ്എ പോരാട്ടം ആവേശസമനിലയില് അവസാനിച്ചു. ഇരു ടീമുകളും ഓരോ ഗോള് വീതമടിച്ചാണ് സമനിലയില് പിരിഞ്ഞത്. ആദ്യ പകുതിയില് 36-ാം മിനിറ്റില് തിമോത്തി വിയയുടെ ഗോളില് മുന്നിലെത്തിയ യുഎസിനെ രണ്ടാം പകുതിയില് 80-ാം മിനിറ്റില് ക്യാപ്റ്റന് ഗാരെത് ബെയ്ലിന്റെ പെനല്റ്റി ഗോളിലാണ് വെയ്ല്സ് സമനിലയില്(1-1) തളച്ചത്.
അതേസമയം തന്റെ പരിക്കിനെക്കുറിച്ചും ഫിറ്റ്നെസിനെക്കുറിച്ചുമുള്ള വാര്ത്തകള്ക്ക് അടിസ്ഥാനമില്ലെന്ന് മത്സരത്തലേന്ന് ലയണൽ മെസി നടത്തിയ വാര്ത്താ സമ്മേളനത്തില് പറഞ്ഞു. പറഞ്ഞുകേട്ടതുപോലെയുള്ള ഒരു പ്രശ്നവും എനിക്കില്ല. ഞാന് പരിശീലനത്തില് പങ്കെടുത്തില്ലെന്നും ഒറ്റക്ക് പരിശീലനം നടത്തിയെന്നുമുള്ള വാര്ത്തകളും അഭ്യൂഹങ്ങളുമാണ് .ഈ ലോകകപ്പ് വളരെ സ്പെഷ്യലാണ്. ഇതെന്റെ അവസാന ലോകകപ്പാകാാനാണ് സാധ്യത. എന്റെ അല്ല ഞങ്ങളുടെ സ്വപ്നസാക്ഷാത്കാരത്തിനുള്ള അവസാന അവസരം, ഞങ്ങളുടെ സ്വപ്നം യാഥാര്ത്ഥ്യമാക്കാന് ലഭിക്കുന്ന അവസരംമെന്നും മെസി പറഞ്ഞു.
വാർത്തകൾ നേരിട്ട് വാട്ട്സാപ്പിൽ അനൗൺസ്മെന്റ് രൂപത്തിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
