ജിദ്ദ: ചെങ്കടലിന്റെ തീരത്ത്
വർണ്ണ വിസ്മയം തീർത്ത് 92മത് ദേശീയ ദിനാഘോഷത്തിന് തുടക്കം.
റോയൽ എയർഫോഴ്സ് വിമാനങ്ങൾ വട്ടമിട്ടു പറന്നു. ദേശീയ ദിനം ആഘോഷിക്കുന്നതിന്റെ ഭാഗമായാണ് ജിദ്ദയിൽ ആദ്യ പരിപാടിക്ക് തുടക്കം കുറിച്ചത്.
കടൽത്തീരത്തിന് മുകളിലൂടെ പറന്ന വിമാനങ്ങൾ ജിദ്ദയുടെ ആകാശത്ത് മിന്നുന്ന പ്രകടനങ്ങളാണ് കാഴ്ച്ച വെച്ചത്. റോയൽ സൗദി എയർഫോഴ്സിലെ സൈനികർ വിവിധതരം വിമാനങ്ങൾ പറത്തിയത് കാണികൾക്ക് ആവേശമായി.
സൗദി പതാക വഹിച്ച സുരക്ഷാ വ്യോമയാന ഹെലികോപ്റ്ററുകൾ അരമണിക്കൂറോളം നീണ്ടുനിന്ന പര്യടനത്തിൽ പങ്കെടുത്തു, സൗദി ഫാൽക്കൺസ് ടീം ജിദ്ദ കോർണിഷിൽ രാജ്യത്തിന്റെ ചിഹ്നവും രണ്ട് വാളുകളും ഈന്തപ്പനയും രൂപപ്പെടുത്തുന്ന പ്രകടനങ്ങൾ അവതരിപ്പിച്ചു.
യുദ്ധവിമാനങ്ങൾ, ഹെലികോപ്റ്ററുകൾ, സിവിൽ വിമാനങ്ങൾ, കപ്പലുകൾ, ബോട്ടുകൾ എന്നിവ ഉപയോഗിച്ച് ജിദ്ദ വാട്ടർഫ്രണ്ടിൽ വ്യോമ സേന കടൽ പ്രദർശനം നടത്തി.
സൗദിയിലെ 14 നഗരങ്ങളിൽ 92മത് ദേശീയ ദിന എയർ ഷോക്കുള്ള എല്ലാ ഒരുക്കങ്ങളും റോയൽ സൗദി എയർഫോഴ്സ് പൂർത്തിയാക്കിയതായി സൗദി പ്രതിരോധ മന്ത്രാലയം ട്വിറ്ററിലെ ഔദ്യോഗിക അക്കൗണ്ടിലൂടെ അറിയിച്ചു.
10 ദിവസങ്ങളിലായി റോയൽ സൗദി എയർഫോഴ്സ് 14 നഗരങ്ങളിൽ ടൈഫൂൺ, എഫ്-15എസ്, ടൊർണാഡോ, എഫ്-15സി വിമാനങ്ങളുമായി എയർ ഷോകൾ നടത്തുന്നുണ്ട്.
റിയാദ്, ജിദ്ദ, ഖോബാർ, ദമ്മാം, ജുബൈൽ എന്നിവയുൾപ്പെടെ രാജ്യത്തെ 13 നഗരങ്ങളും അൽ അഹ്സ, തായിഫ്, തബൂക്ക്, അബഹ തുടങ്ങിയ നഗരങ്ങളിലെ എയർ ഷോകളും ഇതിൽ പെടും.
റോയൽ സൗദി നേവൽ ഫോഴ്സ് ദേശീയ ദിനത്തിൽ ജിദ്ദ വാട്ടർഫ്രണ്ടിലും ജുബൈലിലെ അൽ ഫനതീർ ബീച്ചിലും സമുദ്ര സുരക്ഷാ ഗ്രൂപ്പുകളുടെ പരേഡ് നടക്കും.
സൗദി അറേബ്യയിലെ എല്ലാ പ്രദേശങ്ങളും രാജ്യത്തിന്റെ ചരിത്രത്തിലെ എക്കാലത്തെയും വലിയ ആഘോഷങ്ങൾക്ക് സാക്ഷ്യം വഹിക്കുന്നത്.
ജനറൽ എന്റർടൈൻമെന്റ് അതോറിറ്റിയുടെ (ജിഇഎ) ഡയറക്ടർ ബോർഡ് ചെയർമാൻ തുർക്കി അൽ-ഷൈഖ് ശനിയാഴ്ച (സെപ്തംബർ 17) “ഇത് നമ്മുടെ വീടാണ്” എന്ന മുദ്രാവാക്യത്തിൽ ഒമ്പത് ദിവസത്തെ ആഘോഷങ്ങളുടെ ഭീമാകാരമായ പരിപാടിക്ക് തുടക്കം കുറിച്ചു. സെപ്തംബർ 26 വരെ നീണ്ടു നിൽക്കും.
