അബഹ: അബഹയിൽ പുതിയ വിമാനത്താവളത്തിന്റെ മാസ്റ്റർ പ്ലാൻ പൂർത്തിയായതായി അസിർ റീജിയൻ ഡെവലപ്മെന്റ് അതോറിറ്റി അറിയിച്ചു.
അസീർ മേഖലയുടെ വാസ്തുവിദ്യക്ക് അനുസൃതമായാകും പുതിയ വിമാനത്താവളത്തിന്റെ രൂപകൽപ്പന.
ഏകദേശം 1.1 ദശലക്ഷം യാത്രക്കാരുടെ നിലവിലെ ശേഷിയെ അപേക്ഷിച്ച് പുതിയ വിമാനത്താവളം പ്രതിവർഷം
13 ദശലക്ഷത്തിലധികം യാത്രക്കാരെ ഉൾക്കൊള്ളുമെന്ന് കമ്പനി സൂചിപ്പിച്ചു.
നിലവിൽ 35,000 വിമാനങ്ങളെ അപേക്ഷിച്ച് പുതിയ വിമാനത്താവളം വരുന്നത്തോടെ പ്രതിവർഷം 95,000 വിമാനങ്ങൾക്ക് കൂടുതൽ സർവീസ് നടത്താൻ കഴിയും.
10.7 ആയിരം ചതുരശ്ര മീറ്റർ വിസ്തീർണ്ണമുള്ള നിലവിലെ ഹാളുമായി താരതമ്യപ്പെടുത്തുമ്പോൾ 65 ആയിരം ചതുരശ്ര മീറ്റർ സ്ഥലത്ത് ഒരു പുതിയ ഹാൾ നിർമ്മിക്കുന്നതും പദ്ധതിയിൽ ഉൾപ്പെടുമെന്ന് സൂചിപ്പിച്ചു. പദ്ധതി വരുന്നത്തോടെ 2,200 ലധികം കാറുകൾ ഒരേ സമയം പാർക്ക് ചെയ്യാൻ ഇവിടെ കഴിയും
