ലണ്ടൻ: എലിസബത്ത് രാജ്ഞി അന്തരിച്ചു. 96 വയസായിരുന്നു. സ്കോട്ട്ലന്റിലെ ബാൽമോറൽ കാസിലിലാണ് അന്ത്യം. ആരോഗ്യപ്രശ്നങ്ങളുള്ളതിനാല് കഴിഞ്ഞ വർഷം ഒക്ടോബർ മുതൽ ഡോക്ടര്മാരുടെ പരിചരണത്തിലായിരുന്നു രാജ്ഞി.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
കീരീടാവകാശിയായ ചാൾസ് രാജകുമാരനും ഭാര്യ കാമിലയും രാജ്ഞിയുടെ മകൾ പ്രിൻസസ് ആനിയും ബാൽമോറൽ കാസിലില് രാജ്ഞിക്കൊപ്പം ഉണ്ടായിരുന്നു.
കിരീടധാരണത്തിന്റെ എഴുപതാം വര്ഷത്തിലാണ് രാജ്ഞിയുടെ വിടവാങ്ങല്. 1952 ല് ആണ് എലിസബത്ത് രാജ്ഞി രാജഭരണമേറ്റത്. 1953 ല് ആയിരുന്നു വെസ്റ്റ്മിനിസ്റ്റര് ആബിയില് കിരീടധാരണം. ഏറ്റവും കൂടുതല് കാലം ബ്രിട്ടന് ഭരിച്ച ഭരണാധികാരിയാണ് എലിസബത്ത് രാജ്ഞി. ലോകത്തെ അതിസമ്പന്നരായ വനിതകളില് ഒരാളായിരുന്നു രാജ്ഞി. ആധുനിക ബ്രിട്ടനിലെ സാമൂഹ്യ മാറ്റങ്ങൾ മുഴുവൻ നടന്നത് ഇവരുടെ കാലത്തായിരുന്നു.
