റിയാദ്: ഉപഭോക്താക്കൾക്ക് ഷിപ്പ്മെന്റുകൾ എത്തിക്കുമെന്ന് അവകാശപ്പെട്ട് ആൾമാറാട്ടം നടത്തുന്ന വ്യാജ സന്ദേശങ്ങളെക്കുറിച്ച് സഊദി പോസ്റ്റ് ലോജിസ്റ്റിക്സ് (എസ്പിഎൽ) മുന്നറിയിപ്പ്. തട്ടിപ്പുകാർ സഊദി പോസ്റ്റ് ലോജിസ്റ്റിക്സ് (എസ്പിഎൽ) പേരും ലോഗോയും ആൾമാറാട്ടവും നടത്തി ഉപഭോക്താക്കളെ കബളിപ്പിച്ച് അവരുടെ ഷിപ്പ്മെന്റുകൾ എത്തിക്കുമെന്ന് ആരോപിച്ച് പണം പിരിക്കുന്നതിനെതിരെയാണ് മുന്നറിയിപ്പ്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഇത്തരം വ്യാജ സന്ദേശങ്ങളൊന്നും തന്നെ കമ്പനിയുമായി ബന്ധപ്പെട്ടതല്ലെന്നും ഒരു തരത്തിലും ഇത്തരം വ്യാജ സന്ദേശങ്ങളിൽ പെട്ട് കൈകാര്യം ചെയ്യരുതെന്നും സഊദി പോസ്റ്റ് നൽകിയ മുന്നറിയിപ്പിൽ പറയുന്നു.
ഔദ്യോഗിക പ്ലാറ്റ്ഫോമുകളിലൂടെ വ്യാജ സന്ദേശങ്ങളെക്കുറിച്ച് ഉപഭോക്താക്കളെ ബോധവാന്മാരാക്കുന്നതിൽ തുടർച്ചയായി പ്രവർത്തിക്കുന്നുണ്ടെന്നും ഉപഭോക്താക്കളുടെ എല്ലാ വിവരങ്ങളും അതീവ സുരക്ഷിതമായാണ് സൂക്ഷിച്ചിരിക്കുന്നതെന്നും സഊദി പോസ്റ്റ് അറിയിച്ചു.
